(සුමතිපාල දීයගහගේ)  
 
හබරාදුව ප්‍රදේශයේ පවත්වා ගෙන යන ළමා නිවාසයක නේවාසික බාල වයස්කාර දැරියන් පස් දෙනෙක් අපයෝජනය කිරිම සම්බන්ධයෙන් එම ළමා නිවාසයේ සේවකයෙක් අත්අඩංගුවට ගත් බව හබරාදූව පොලිසිය පවසයි.‍

හබරාදුව ප්‍රදේශයේ පදිංචි දෙදරු පියෙකු වන සැකකරු ළමා නිවාසයේ සිටින පහළොස් හැවිරිදි දැරියන් දෙදෙනෙක්, දහතුන් හැවිරිදි එක් දැරියෙක් සහ එකොළොස් හැවිරිදි දැරියන් දෙදෙනෙක්ද මාසයක  කාලයක් තිස්සේ වරින්වර අපයෝජනය කර ඇති බව මූලික පොලිස් විමර්ශන වලදී අනාවරණය වී තිබේ.

ඒ අනුව මෙම සිද්ධිය ළමා නිවාසයේ සහකාර පාළිකාවටද දැන ගැනීමට ලැබීමෙන් පසුව ඇය දැරියන්ගෙන් මේ පිළිබද විමසා ඇත. එහිදි සේවකයාගෙන් දැරියන්ට සිදුවන අතවර පිළිබඳ තොරතුරු හෙළිවිම නිසා හබරාදුව පොලිසියට පැමිණිලි කර තිබේ.

ඒ අනුව අත්අඩංගුවට ගත් සැකකරු අද (5) අධිකරණයට ඉදිරිපත් කිරිමට නියමිතය.