ශිවා බණ්ඩාර සහ අමල් වික්‍රමරත්න
 
අ.පො.ස.(සා.පෙළ) 2017   විභාගයයේ ප්‍රතිඵල එළඹෙන මාර්තු මස 28 දින නිකුත් කිරීමට තීරණය කර ඇති අතර විභාගයට පෙනී සිටි අයදුම්කරුවන් 969 දෙනෙකුගේ ප්‍රතිඵල අත්හිටුවීමට තීරණය කර තිබෙන බව විභාග කොමසාරිස් ජනරාල් සනත් පුජිත මහතා පැවසීය.
 
චෝදනා වලට ලක්වූ විභාග අපේක්ෂකයන්ගෙන් ඇතැමෙකු  මෙම චෝදනා සත්‍ය බව ඔවුන් දන්නා නිසා චෝදනා  විභාග කිරීමේ අවස්ථාවලට නොපැමිණි බව ද ඔහු ප්‍රකාශ කළේය.
 
මෙවර පැවති විභාගය සම්බන්ධව පැමිණිලි 2,804 ක් ලැබුණු  බවත්   විමර්ශන වලින් පසුව 1,829 දෙනෙකු නිදොස්  වූ බවත්, ඉතිරි  969 දෙනාගේ චෝදනා තහවුරු වූ බැවින්  ප්‍රතිඵල අත්හිටුවීමට කටයුතු කරන බවත් විභාග කොමසාරිස්වරයා කීවේය.
 
2017 අ.පො.ස.සාමාන්‍ය පෙළ විභාගය සඳහා අයදුම්කරුවෝ  688573  දෙනෙකු පෙනී සිටියහ.