(දයාරත්න ඇඹෝගම)

සුනඛයන්ගේ සපා කැමට ලක්ව ජලභිතිකා රෝගයට ප්‍රතිකාර ලබාගැනීමට මේ වසරේ මුල් මාස හයට අනුරාධපුර ශික්ෂණ රෝහලට රෝගින් දහතුන් දහස් විසි දෙකක් (13022) පැමිණ ඇතැයි අනුරාධපුර ශික්ෂණ රෝහලේ නියෝජ්‍ය අධ්‍යක්ෂිකා අයන්ති කරුණාරත්න මහත්මිය පැවසුවාය.

අනුරාධපුර දිස්ත්‍රික්කයේ අයාලේ යන සුනඛයන් 75000 ක් පමණ සිටින බවට සංගණනයකින් අනාවරණය වූ බවත් අනුරාධපුර දිස්ත්‍රික්කයේ පුද්ගලයන් අට දෙනෙක්ට එක් සුනඛයකු බැගින් සිටින බවත් අනුරාධපුර ප්‍රාදේශීය සෞඛ්‍ය සේවා අධ්‍යක්ෂ වෛද්‍ය එන්.සි.ඩි.ආරියරත්න මහතා පැවසීය.

“මෙය බරපතල සමාජ ප්‍රශ්නයක්.අපේ රටේ සුනඛයන් ඇති කිරිම ගැන ජනතාවගේ කිසි පිළිවෙලක් නැහැ.මේ නිසා සුනඛ ගහනය වැඩිවි තිබෙනවා.“යැයි ඒ මහතා කීවේය.

මේ සම්බන්ධයෙන් රජයේ වෛද්‍ය පරියේෂණ ආයතනයෙන් සිදුකළ විමසුමේදි වෛද්‍ය කාන්ති නානායක්කාර මහත්මිය පැවසුවේ ජලභීතිකා රෝගය සදහා රෝගියකුට දෙනු ලබන එන්නත් මාලාවට රුපියල් 2000ක් පමණ වැය වන බවයි.

රෝගියාගේ රෝගි තත්ත්වය අනුව මෙම වියදම වෙනස් විය හැකි බවත් සමහර විට එක් රෝගියකුට රැපියල් 50 000ක් පමණ මුදලක් වැය කිරිමට රජයට සිදුවන බවත් ඒ මහත්මිය පැවසුවාය.