2025 නොවැම්බර් මස 30 වන ඉරිදා
(ඩයනා උදයංගනී)
අග්‍රාමාත්‍ය රනිල් වික්‍රමසිංහ මහතාට හා රජයට එරෙහිව ඒකාබද්ධ විපක්‍ෂය ගෙන ආ විශ්වාසභංග යෝජනාවට පක්ෂව ඡන්දය භාවිතා කළ ශ්‍රීලංකා නිදහස් පක්‍ෂ කැබිනට්, රාජ්‍ය සහ නියෝජ්‍ය ඇමතිවරුන් 16 දෙනාට එරෙහිව එක්සත් ජාතික පක්‍ෂයෙන් විශ්වාසභංගයක් ගෙන ආවොත් එහිදී පක්‍ෂයේ මැති ඇමතිවරුන් ආරක්‍ෂා කරගැනීම වෙනුවෙන් පෙනී සිටින බව ශ්රී.ල.නි.ප මහ ලේකම්, කෘෂිකර්ම අමාත්‍ය දුමින්ද දිසානායක මහතා පැවසීය.
අමාත්‍ය දුමින්ද දිසානායක මහතා මේ බව පැවසුවේ කෘෂිකර්ම අමාත්‍යාංශ ශ්‍රවණාගාරයේදී අද (6) පැවති මාධ්‍ය හමුවකදීය.
ආණ්ඩුව නියෝජනය කරන්නන් ලෙස ආණ්ඩුව රැකගැනීමට කොන්දක් තිබූ අයට පක්ෂයක් ලෙස පක්‍ෂයේ අය රැකගැනීමටත් කොන්දක් තිබෙන බව මහ ලේකම්වරයා මෙහිදි සඳහන් කළේය. විශ්වාසභංගයට පක්ෂව ඡන්දය දුන් අය සමඟ එක්ව කටයුතු කිරීමේ ගැටලුවක් ශ්රී.ල.නි.පයට නැතැයිද ඇමතිවරයා කීවේය.
පක්ෂයක් ලෙස බහුතර මතයට මෙන්ම සුළුතර මතයටද ගරු කරන බව කී අමාත්‍යවරයා සුළුතරය නියෝජනය කළ පිරිස සම්බන්ධයෙන් පක්ෂයක් ලෙස විනය ක්‍රියාමාර්ග ගත යුතු නැතැයිද කීවේය.
පසුගිය පළාත් පාලන මැතිවරණය හෝ විශ්වාසභංගය සමඟ ශ්රී.ල.නි.පය කැඩී යා යුතු නැතැයි කී දුමින්ද දිසානායක මහතා පක්ෂය කැඩීම කළේ විශ්වාසභංගය නොව පළාත් පාලන මැතිවරණයේදී අපේ කණ්ඩායමක් සමඟ වෙනත් වේදිකාවකට ගොඩවූ හිටපු ජනාධිපතිවරයා බවද ප්‍රකාශ කළේය.
මහින්ද රාජපක්‍ෂ මහතා පක්ෂය බෙදා පොහොට්ටුවක් සැදුවාක් මෙන් ශ්රී.ල.නි.පය බෙදාගැනීමට අපි සූදානම් නැතැයි ද ඔහු කීවේය.
ඉදිරියේදී එක්සත් ජාතික පක්ෂයට එක්වීමේ අදහසක් ඇත්දැයි මෙහිදී මාධ්‍යවේදියෙකු නැගූ පැනයකට පිළිතුරු දුන් දුමින්ද දිසානායක මහතා පැවසුවේ තමන්ට ශ්රී.ල.නි.පය අත්හැරීමේ කිසිඳු අවශයතාවයක් නැති බවයි.
2025 නොවැම්බර් මස 21
219
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
271
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්‍යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1182
0
2021 බ්ලූ ප්ලැනට්(Blue Planet) ත්‍යාගලාභී සහ 2007 සාම නොබෙල් ත්‍යාගයේ සම-ජයග්‍රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
ශ්‍රීලනිප 16ට විශ්වාසභංගයක් ගෙන ආවොත් පෙනි සිටිනවා - දුමින්ද දිසානායක
ගාමිණී Friday, 06 April 2018 03:03 PM
කිසිම විනයක් නැති පක්ෂයක් බවට ශ්‍රීලනිපය පත්වීම රටේ අවාසනාවකි
Shan Friday, 06 April 2018 03:15 PM
නිකන් පුස් වීරයෙක් වෙන්න හදන්නේ නැතුව ඉන්න. ආණ්ඩුවට කැමති නැත්නම් අයින් වෙන එකනේ තියෙන්නේ... කොහොමද ඇමතිකම් කරන්නේ?
රවින්ද්‍ර Friday, 06 April 2018 05:20 PM
පදනමක් නැති මෝඩ කතා. බහුතර මතයට මෙන්ම සුළුතර මතයටත් ගරු කරනවාලු
කුමාර් (ගල්ෆ්) Friday, 06 April 2018 07:46 PM
යන්න හලෝ යන්න... ඕනෑම කතරගමක යන්න. අනිත් මිනිස්සුන්ට ආණ්ඩුවයි, රටයි කරගන්න ඇරලා යන්න.
sunil Saturday, 07 April 2018 12:19 AM
දුමින්ද තමයි පක්ෂය වනසන්නේ....
vijitha Saturday, 07 April 2018 01:01 AM
මේක මහ මෝඩ තර්කයක්.
Thilini Saturday, 07 April 2018 02:09 AM
මෙතුමා ශ්රී ලංනිපයෙන් අයින් වුනොත් පක්ෂය නැවත හදන්න පුළුවන්.
Rohana Saturday, 07 April 2018 02:10 AM
අමාත්‍ය දුමින්ද දිසානායක මහතා කෘෂිකර්ම අමාත්‍යාංශ ය . පොහොර සහනාධාරය නැති කලා. අනවශ්‍ය ලෙස කෘෂිකර්ම අමාත්‍යාංශයේ ගොඩනැගිල්ලකට කෝටි ගණන් ගෙව්වා. ගොවි විශ්‍රාම වැටුප් ක්‍රමය නැතිකළා. වී මිලදී ගැනීම ක්‍රමවත් කලේ නැහැ. වියළි කලාපයේ වැඩි ප්‍රාදේශිය සභා පොහොට්ටුව ජය ගත්තේ ගොවි ජනතාවට සහන නුදුන් නිසාය. ඔබ ගත් පඩියට වරදානවලට ජනතාවට සේවයක් කළාද?
ajithkaru Saturday, 07 April 2018 04:36 AM
විශ්වාස භංගයට පක්ෂව ඡන්දය දීපු ඇමතිවරුන් එක්ක වැඩ කරන්න ශ්රී ලංකා නිදහස් පක්ෂයට ගැටළුවක් නොමැති වුනාට යූ.එන්.පී එකට ප්‍රශ්නයක් නොවෙයිද? අඟේ ඉඳන් කන කනවට වඩා නරකද පැත්තකට වෙලා තමන්ගේම වලිගෙ විකා ගන්න එක...
ashan Saturday, 07 April 2018 04:51 AM
සියලු දෙනා පක්ශයට පෙර රට ගැන සිතිය යුතුයි. ඇමති පඩියත් අරගෙන ආණ්ඩුවේ කකුලෙන් අදින අය මොන පක්ශෙ වුනත් එලවන්න ඕනෑ. උන් සෙල්ලම් කරන්නේ මිනිස්සුන්ගේ සල්ලි එක්කයි.
bamunuarachchi Saturday, 07 April 2018 05:46 AM
මේගොල්ලන් ගැන සත පහකට විස්වාස තියන්න එපා...
PJSunday, 08 April 2018 03:27 AM
ඔවු ඔවු තම තමන්ගේ සාක්කු පුරවා ගන්න ඕනේ නම් මහරජ ගැන පමණක් විශ්වාසය තියා ගන්න.
P.Ilangaratne Saturday, 07 April 2018 08:51 AM
මෙවැන්නන් මහා ලේකම් වුණාම පක්ෂයක විනයක් තියේද?
Nuwan Sunday, 08 April 2018 04:33 AM
ඕක දැන් විසි කරන්න කියල තියෙන්නේ අගමැති තුමා. අද පටන් එතුමා ඔය එක එකාට ඕන විදිහට තවත් නටන්න ඉඩ දෙන්නෙ නෑ. එහෙම තමා ඉන්න ඕන.