බිඟුන් මේනක ගමගේ  
 
ශ්‍රී ලංකා නිදහස් පක්ෂය 1994 දී සමෘද්ධි සහනාධාරය මත රැකියා ලබාදුන්නේ නම් එක්සත් ජාතික පක්ෂයට දැන් එය කළ නොහැක්කේ මන්දැයි වැවිලි කර්මාන්ත ඇමැති නවීන් දිසානායක මහතා ප්‍රශ්න කරයි. 
 
මෛත්‍රිපාල සිරිසේන මහතා ජනාධිපති ධූරයට පත්කරනු ලැබුවේ එක්සත් ජාතික පාක්ෂිකයන්ගේ ඡන්දවලින් යැයි කී හෙතෙම එනිසා එ.ජා.පයේ වැඩපිළිවෙලට ඔහු සහාය දිය යුතු යැයි ද අවධාරණය කළේය. 
  
ඒ අනුව සෑම ආසනයකටම අලුතින් දහසකට සමෘද්ධිය ලබාදීමට කටයුතු කරන්නේ යැයි ඇමැතිවරයා කීවේය. 
 
හිට්ලර් විසින් එදා ජර්මනිය අලුගෝසු සමාජයක් බවට පරිවර්තනය කර විනාශ කරනු ලැබී යැයි ද ප්‍රජාතන්ත්‍රවාදය අගයන සමාජයකට හිට්ලර් පන්නයේ පාලකයකු කිසිදු ලෙසකින් ගැලපෙන්නේ නැතැයි ද ඇමැතිවරයා කීය. 
 
එ.ජා.ප සංවිධායකවරයා වශයෙන් පක්ෂය ජයග්‍රාහී මාවතට අවතීර්ණ කළ හැකි වැඩසටහනක් තමා ඉදිරිපත් කළේ යැයි ද පක්ෂ නායකත්වයේ අනුමැතිය ඊට ලැබී ඇතැයි ද දිසානායක මහතා එහිදී වැඩිදුරටත් සදහන් කළේය.