(සටහන සහ ඡායාරූප - මහනුවර විශේෂ චමිල් රුපසිංහ)
උඩුනුවර ප්‍රදේශයේ වර්ෂාව සමගින්  හමා ගිය දැඩි සුළඟකින් ඊයේ (05) පස්වරුවේ නිවාස 30 කට පමණ හානි සිදුවි ඇති අතර පුද්ගලයන් 120 ක් පමණ අවතැන් වී සිටියි.

මේ අතර නිවාස මතට විශාල ගස් පෙරලීම නිසා කුඩා දරුවෙකු ඇතුලු 3 දෙනෙකු රෝහල් ගත කර ඇති බව උඩුනුවර ප්‍රාදේශිය ලේඛම් නන්දන ගලබොඩ මහතා පවසයි.

දැනට සතියක පටන් මධ්‍යම කඳුකරය දෙසට පවතින  අධික වර්ෂාව සමග දැඩි සුලං තත්වයක්ද හටගෙන ඇති අතර ඊයේ පස්වරු 4.30 ත් 5.00 ත් අතර උඩුනුවර ප්‍රදේශයේ රංගම, ලගමුව, කිරිවවුල වැනි ප්‍රදේශයන් හරහා හමා ගිය දැඩි සුළඟ නිසා නිවාස 5කට පමණ සම්පූර්ණයෙන්ම අලාභහානි සිදුවී ඇති අතර අනික් නිවාස මතට විශාල ගස් කඩා වැටීම නිසා අර්ධ වශයෙන් හානි සිදුවි ඇති බව ප්‍රදේශිය ලේකම් පවසයි.

ආපදාවන්වලට ලක්වු පිරිස් ඔවුන්ගේ ඥාති නිවෙස්වල තාවකාලිකව පදිංචි කර ඇති අතර ඔවුන් සදහා අවශ්‍ය පහසුකම් ලබා දිම සදහා කටයුතු යොදා ඇති බවත් නිවාස ප්‍රතිසංස්කරණය කර ගැනිම සදහා රජය මගින් ලබාදෙන ආධාර මුදල් දින 3ක් ඇතුලත තක්සේරු කර ලබාදීමට කටයුතු යොදා ඇති බවද නන්දන ගලබොඩ මහතා පවසයි.

ආපදාවන්වලට ලක්වූවන් සදහා උඩුනුවර ප්‍රාදේශීය සභාව දවුලගල, වෙලම්බඩ, කඩුගන්නාව, ආරක්ෂක හමුදාව හා ප්‍රදේශවාසින් එකතුව සහන සැලසීමට කටයුතු කරමින් සිටින බවද නන්දන ගලබොඩ මහතා පවසයි.