( තිළිණි ද සිල්වා සහ රංජන් කටුගම්පොළ)
හම්බන්තොට වරාය සහ ඒ ආශ්රිත අක්කර 15,000 ක ඉඩම චීන සමාගම් දෙකකට බදු දීමට ගෙන ඇති කැබිනට් තීරණය බලරහිත කරන ලෙස ඉල්ලා පාර්ලිමේන්තු මන්ත්රී වාසුදේව නානායක්කාර මහතා ගොනු කර තිබූ පෙත්සම විභාගයට නොගෙනම නිෂ්ප්රභ කිරීමට ශ්රේෂ්ඨාධිකරණය අද (30) තීන්දු කළේය.
මෙම ව්යාපෘතිය මූලිකවම ආරම්භ කළ ඉකුත් රජයේ ඇමතිවරයෙකුව සිටි පෙත්සම්කාර මන්ත්රීවරයා ඒ පිළිබඳ හොඳින් දැන සිටියදීත් , එම කරුණු වසන් කර ඇතැයි කියමින් නීතිපතිවරයා ඇතුළු පෙත්සමේ වගඋත්තරකාර පාර්ශවය ඉදිරිපත් කළ මූලික විරෝධතා පිළිගනිමින් ශ්රේෂ්ඨාධිකරණ ත්රිපුද්ගල විනිසුරු මඩුල්ලේ බහුතර තීන්දුවෙන් මෙම පෙත්සම නිෂ්ප්රභ කෙරිණි.
පෙත්සම බුවනෙක අළුවිහාරේ ,සිසිර ද ආබෲ සහ අනිල් ගුණරත්න යන ත්රිපුද්ගල ශ්රේෂ්ඨාධිකරණ විනිසුරු මඩුල්ල හමුවේ කැඳවනු ලැබිණි.
පෙත්සම කැඳවූ අවස්ථාවේදී නීතිපතිවරයා වෙනුවෙන් පෙනී සිටි අතිරේක සොලිසිටර් ජනරාල් සංජය රාජරත්නම් මහතා කියා සිටියේ පෙත්සම්කාර වාසුදේව නානායක්කාර මහතා එම කරුණු සම්බන්ධයෙන් කිසිදු වචනයක් හෝ සඳහන් කර නැති බවද එමඟින් කරුණු වසන් කිරීමක් කර ඇති බවය.
COMMENTS
පහුගිය ආණ්ඩුව කාලේ කැබිනට් එකේ නිදා ගෙන හිටියද දන්නේ නෑ. අැයි උමා ඔය යෝජනා ක්රමයට අත ඉස්සුවේ.?
වාසු සහෝදරයා,... දැන් ඉතින් "මිටිය" කොළඹ තියලා " දෑ කැත්තත්" අරන් මැදමූලන පැත්තේ ගියානම් කුරක්කන් ටිකක් කපන්න තිබුණා...
රෙද්දක් ඇඳගෙනද මෙයා රජයට එරෙහිව මෙවැනි පෙත්සමක් ඉදිරිපත් කරේ ? සමහරවිට අත උස්සන්න මෙයාටත් සැහෙන කුට්ටියක් ලැබෙන්න ඇති. ම රා රජයේ ඇමතිවරයෙක් වෙලත් මෙවැනි අමානුෂික ව්යාපෘතියක් වෙනුවෙන් "සිග්නල් කණුවක්" වගේ අත ඉස්සුවේ මේ ගැන කිසිම දැනුමක් නැති ගොබ්බයෙක් වගේ බව දැන් පේනවා !!! කොහොම උනත් පශ්තාත් භාගයට අධිකරණයෙන් ලැබුන දැවැන්ත පහරින් මෙයා ලෝක බොරුකාරයෙක් වගත් පෙනී ගියා. වැදුන වේදනාවට තෙල් බෙහෙත් ගාල සුවපත් කරන්න බොස්, විමලේ, හොල්මන්පිල වගේ අය ඒවිද දන්නේ නැහැ. ආවොත්, පින්තුර ටිකක් පුවත් පත් වල පල කරන්න.....
මෙම මන්ත්රීට ඕනකරන්නේ රටේ සංවර්දනය නොවෙයි කියල අපිට කියන්න පුළුවන් මොහු 1970 දී කිරිඇල්ල මන්ත්රී ලෙස කටයුතු කරනකාලේ කැලණිවැලි දුම්රිය මාර්ගය ඕපනායක දක්වාම තිබුන එය වසා දැමුවේ 1976 පමණ රත්නපුර දිස්ත්රික්කයේ මන්ත්රී වරයෙකු ලෙස දුම්රිය මාර්ගය වසාදැමීමට මොහු විරුද්ද වුනේ නැත කියල මා අහල තියෙනවා දුම්රිය මාර්ග තිබෙනවානම් රටේ මාර්ගවල මෙතරම් තදබද නැහැනේ
මේගොල්ලෝ හැමදාම කලේ දෙපිටකාට්ටු වැඩ. නිකන් බොරුවට උඩබුරලා අහිංසක පොදු ජන මුදල් බුරුතු පිටින් කොල්ල කනෙක.
දැන් වාසු මහත්යටත් වීසි වෙන්ඩ කලේ හරි.
නීතිපති ගෙනාපු තර්ක නියමයි.
වාසුදේව මහත්තයා නේද? දැන්නම් පින් පඩි ගන්නවා විතරයිනේ...