ප්‍රසාද් මුතුකුඩ 
 
දිවයිනේ අභ්‍යන්තර ගුවන් ගමන් ව්‍යාපාර සඳහා රජය විසින් පහසුකම් සපයාදීම ආරම්භ කර ඇති  හෙයින් එය රටේ ආර්ථිකය දිරිගන්වන  වැඩපිළිවෙලක් බව අමාත්‍ය නිමල් සිරිපාල ද සිල්වා  මහතා අද (27) වැලිසරදී පැවසීය.


ප්‍රවාහන හා සිවිල් ගුවන් සේවා අමාත්‍යවරයා මේ බව පැවසූවේ IWS  පෞද්ගලික  ගුවන් සේවා  සමාගමට අයත් වැලිසර පිහිටි හෙලිකොප්ටර්  යානා අංගනයේ  පැවති ආරම්භක උත්සවයකට සහභාගී වු අවස්ථාවේදීය. 


එහිදි  අමාත්‍ය  නිමල්  සිරිපාල ද සිල්වා මහතා මෙසේ කීය.


“මෙරටට පැමිණෙන විදේශ  ආයෝජකයින්ට මෙන්ම මහා පරිමාණ දේශීය ව්‍යාපාරිකයින්ට ද  එමෙන්ම  සංචාරයින් සඳහා ද මෙවැනි ගුවන් සේවා අද අත්‍යවශ්‍යවී තිබෙනවා.  අපි මින් පෙර  ගුවන් හමුදාව විසින්  මෙවැනි සේවා කළත් එය  සාර්ථක තත්වයකට ඒමට නොහැකි වු බැවින් මෙලෙස අපි කල්පනා කලා ව්‍යාපෘතියන්  ආරම්භ කිරීමට මෙම ගුවන් සේවා  සමාගම හී සභාපති අයි ඩබ්ලිව් සේනානායක මහතා විශාල ප්‍රාග්ධනයක්  යොදවා අප රටට  ශක්තියක් වී තිබෙනවා . මෙයින් රැකියා  අවස්ථා විශාල ලෙස  උත්පාදනය වනවා. අප  රජයක් ලෙස සෑම විටම උත්සහකරන්නේ ජනතාවගේ සුබ සිද්ධිය වෙනුවෙන්  කටයුතු කිරිමට  ගැටළු, ප්‍රශ්න නැතුවා නොවේ.  


මෙම කටයුතු  ඉදිරියට  ගෙනයාමට රටේ  ස්ථාන කීපයක ගුවන්තොටුපළවල් ආරම්භ  විය යුතු වෙනවා.  මඩකළපුවේ අළුතින් ගුවන්තොටුපළක්  ඉදිවනවා මේ රටේ  තරුණ තරුණියන් මැදපෙරදිග යැවීමට  අවශ්‍ය නොවනවා  ඉදිරියේ දී මෙයින්  ඇතිවන රැකියා  මැදපෙරදිග  පහසුකම් ලෙසම  මෙහි ආරම්භ වනවා.  

විශේෂයෙන්ම  අපේ  උගත්   තරුණ තරුනියන් අද හෙලිකොප්ටර්  යනා  නියමු  පුහුනුව ලබා ගැනීමට  ඇමෙරිකාව , ඕස්ට්‍රේලියාවට යනවා  අපි කටයුතු කරනවා  මෙහි එම  පුහුණුව  පහසු  මිලකට ලබාදී වෘතීක නියමුවන් බිහිකිරිමට එමෙන්ම අද ලෝකයේ ගුවන් නියමුවන්ගේ විශාල හිඟයක් තියෙනවා.

අයිකාවෝ සංවිධානය ඉදිරි වසර කීපයට නියමු ඇබෑර්තු දෙලක්ෂයක් පමණ ඇති බව  දන්වා තිබෙනවා. මේ නිසා විශාල  විදේශ විනිමයක් ඉලක්ක කර ගැනීමට හැකියාව තිබෙනවා. විශේෂයෙන් මෙම  සමාගමට ස්තූතිවන්ත විය යුතුයි.