විනිසුරුගේ ආරක්ෂකයන්ට වෙඩි තැබීමට විරෝධය පා උතුරේ බස් වර්ජනයක

(රොමේෂ් මධුෂංඛ)

යාපනය මහාධිකරණ විනිසරු එම්. ඉලංචේලින් මහතාගේ ආරක්ෂකයින්ට වෙඩි තැබීමට විරෝධය පා අද (24) උතුරු පළාතේ සියලුම පෞද්ගලික බස් රථ ධාවනයෙන් ඉවත් වීමට පියවර ගෙන ඇති බවට උතුරේ පෞද්ගලික බස් හිමියන්ගේ සංගමය පවසයි.

මෙසේ පෞද්ගලික බස් ධාවන කටයුතු වලින් ඉවත් වීම නිසා මගී ජනතාව අපහසුතාවයට පත්වු බව දකින්නට ලැබුණු අතර පෞද්ගලික බස් රථ ධාවනයෙන් ඉවත් වුවද ලංගම බස් රථ ධාවන කටයුතු වල නිරත වූ අතර ලංගම බස් රථ මගීන්ගෙන් පිරීපවතිනු දැක ගත හැකිවිය.

සිද්ධියෙන් පොලිස් සැරයන්වරයකු මිය ගොස් තවත් කොස්තාපල්වරයකු තුවාල ලැබීමත් අදාල වෙඩි තැබීම සිදු කළ පුද්ගලයා තවමත් අත්අඩංගුවට ගෙන නොමැති බවත් ඔවුහු පවසති.

අදහස් (1)

විනිසුරුගේ ආරක්ෂකයන්ට වෙඩි තැබීමට විරෝධය පා උතුරේ බස් වර්ජනයක

ruchira Monday, 24 July 2017 05:30 AM

හොද මිනිහට ජාති ආගම් බේද නොසලකා ගරු කරන්න ලංකාවේ මිනිස්සු දන්නවා. මියගිය පොලිස් සැරයන් හේමචන්ද්‍රගේ බිරිද ඉදිරියේ හා තුවාල ලත් පොලිස් කොස්තාපල් හමුවේ විනිසුරුතුමගේ සංවේදී ප්‍රතිචාරය සමාජ ජාලා තුල වැඩියෙන්ම අගයා ඇත්තේ සිංහල ජනතාවයි. අන්න ඒකයි ඇත්ත සංහිදියාව කියන්නේ. දේශපාලකයන්ගේ පැවැත්මට බලෙන් පටවන්න හදන සංහිදියාව අපේ මිනිස්සු ගාව ඉස්සර ඉදන්ම තියෙන බව දැන්වත් ජාතිවදී දේශපාලකයන්ට පෙනුනොත් හොදයි

: 0 406