(සිරාජ් හසීම්)

සමූහ දූෂණයට ලක්කර මරා දැමූ යාපනයේ ශිවයෝගනාදන් විද්‍යා සිසුවිය ඝාතනයේ පරීක්ෂණවලින් 98%ක්ම මේ වනවිට අවසන්ව ඇති බවත් මෙම නඩුවේ සැකකරුවන්ගේ බිරින්දෑවරුන් සහ පවුල්වල පිරිස් ගැට කපන්නන්ට හසු නොවන ලෙසත් කයිඩ්ස් මහේස්ත්‍රාත් මොහොම්ඩ් රියාල් මහතා සඳහන් කළේය.

සැකකරුවන් 12දෙනා ලබන 5 වැනි දා තෙක් රක්ෂිත බන්ධනාගාර ගත කරමින් මහේස්ත්‍රාත් තවදුරටත් සදහන් කලේ මෙම නඩුවේ සැකකරුවන්ගේ පවුල්වල පිරිස් අධිකරණය වෙත නොපැමිනීම වඩා උචිත බවයි.

මෙම නඩුවේ 12 වැනි සැකකරු අසනීප තත්වයක් මත රෝහල් ගත කලද නිසි ප්‍රතිකාර ලැබීමටත් පෙර අධිකරණය වෙත ඉදිරිපත් කර තිබෙන බවටද අනාවරණය විය.

තම නිර්දෝශීභාවය සනාථ කරමින් මහේස්ත්‍රාත් වෙත යොමුකළ තම ලිපියට මෙතෙක් පිළිතුරු නොලැබුණු බව කී ඝාතනයේ සැකකරුවෙකු වන මහාලිංගම් ශෂිකුමාර් හෙවත් ස්විස් කුමාර් විසින් අධිකරණයේදී විමසූ පැනයට පිළිතුරු දෙමින් මහේස්ත්‍රාත්වරයා  කියා සිටියේ සැකකරුවන්ට මහේස්ත්‍රාත්වරුන් වෙත ලිපි යැවීම තහනම් බවයි.