(රොමේෂ් මධුෂංඛ)

උතුරු නැගෙනහිර පළාත්හි යුද සමයේදී අතුරුදන් වූවන්ගේ ඥාතීන් විසින් මේ වන විට ආරම්භ කොට ඇති සත්‍යග්‍රහයන්ට වත්මන් රජයෙන් විසඳුමක් නොලැබීම නිසා එලඹෙන 27 වැනි දා ඔවුන්ට සහය වීමක් වශයෙන් උතුරු නැගෙනහිර පළාත්හි පූරණ හර්තාලයක් සිදු කිරීමට දෙමළ ජනතා සභාව පියවර ගෙන ඇත.

උතුරු මහඇමති සී.වී.විග්නේස්වරන් සභාපතීත්වය දරන දෙමළ ජනතා සභාව විසින් මෙම හර්තාලය සංවිධානය කරන ලද අතර මේ වන විටත් උතුරු නැගෙනහිර පිහිටි සියලු වෙළඳසැල් හා පෞද්ගලික ආයතනයන් වෙතට හර්තාලයට සහය වන මෙන් දැනුම් දී ඇත.

උතුරු නැගෙනහිර පලාත්හි දිස්ත්‍රීක්ක කිහිපයක මේ වන විට අතුරුදන් වූවන්ගේ ඥාතීන් විසින් මාස දෙකකට වැඩි කාලයක් සිය අතුරුදන් වූවන් වෙනුවෙන් විසඳුම් ලබාදෙන ලෙසට ඉල්ලා සිටියද මෙතෙක් වත්මන් ආණ්ඩුව විසින් මෙම ගැටලුවට විසඳුමක් ලබා නොදීම නිසා පූර්ණ හර්තාලයක් සිදු කිරීම සඳහා සහය වන්නයි උතුරු නැනෙහිර වෙළඳ සංගම් වෙතට දැනුම් දී ඇත.