(සුජිත් හේවාජුලිගේ සහ ආරියරත්න රණබාහු)

රුපියල වැටුණත් ආර්ථිකයේ කඩාවැටීමක් නැතැයි මුදල් හා ජනමාධ්‍ය ඇමැති මංගල සමරවීර මහතා පාර්ලිමේන්තුවේදී ඊයේ (20) පැවැසීය.

මුදල් ඇමැතිවරයා මෙසේ පැවැසුවේ මුදල් පනත් හතරක් පිළිබඳ විවාදයේදීය.

මංගල සමරවීර මහතා මෙසේ ද කීය. “රුපියලේ කඩාවැටීම ආර්ථිකයේ කඩාවැටීමක් බව පෙන්වීමට විපක්ෂය උත්සාහ දරනවා. ආර්ථිකයේ කඩාවැටීමක් නැහැ. ආසියාවේ අනෙකුත් රටවල් දෙස බැලුවාම අපේ රටේ රුපියල අඩුවී තිබෙන්නේ ඉතාම අඩුවෙන්. සියයට 7.4කින් අඩුවී තිබෙනවා. රුපියල අවප්‍රමාණය වුණේ ගෝලීය ආර්ථික තත්ත්වය නිසයි. අප උද්ධමනය සියයට 3.4කට පාලනය කර ගත්තා.