“ගීතයක්, නවකතාවක්, නාට්‍යයක්, චිත‍්‍රපටයක්, විවිධ ප‍්‍රසංගයක් මේ සියල්ල ගත් විට ආගමක්, භාෂාවක්, ජාතියක් වර්ණයක් නොමැතිව සමස්ත මානව සමාජයම ඒ තුළට එක්වෙනවා.  ඒ හඬට ආකර්ෂණීය වෙනවා“


“ගරු මර්සලින් ජයකොඩි පියතුමාගේ හඬට සෑම කෙනෙක්ම ආදරය කළේ, ගරු කළේ සමාජය එතුමාව ප‍්‍රබුද්ධ ලෙස පිළිගත්තේ මුළු මහත් සමාජය වෙනුවෙන් උතුම් පණිවුඩයක් ඒ හඬ තුළ තිබුණ නිසායි. ගරු  මර්සලින් ජයකොඩි පියතුමන්ලා එක් කෙනෙක් නොව දහසක් අද අපිටඅවශ්‍යතා වී තියෙනවා“ යයි ජනාධිපති මෛත්‍රීපාල සිරිසේන මහතා දංකොටුවේදී පැවසීය. 


දංකොටුවේ දී පැවැති ”එරබදු වසන්තම් ̃ සිංහල, දෙමළ, මුස්ලිම් සංහිඳියාව පිළබඳ ජාතික සංස්කෘතික උළෙල සහ ගරු මර්සලින් ජයකොඩි පියතුමන් හට උපහාර දැක්වීමේ උත්සවයේදී ජනාධිපති ගරු මෛත්‍රීපාල සිරිසේන මැතිතුමා  මෙසේද පැවසීය.


“සිංහල හින්දු අලූත් අවුරුදු උදාවට ආසන්නව තිබෙන අවස්ථාවක මේ සුන්දර සැන්දෑවේ අපේ රටේ සමස්ත ජනතාව තුළ සියලූ ආගමික පුජකවරුන් තුළ, දේශපාලන පක්ෂ භේදයකින් තොරව සියලූ දේශපාලකයින් තුළ, මේ රටේ උගත් බුද්ධිමත්, බහුශ‍්‍රැති පරිණත සෑම කෙනෙකුගේ සිත් දිනා සිටි ගෞරවනීය කීර්තිමත් නාමයක් දිනා සිටි මර්සලින් ජයකොඩි පියතුමා සමරමින් ඒවගේම ජාතික සමගිය සහසංහිඳියාව ශක්තිමත් කරමින් පැවැත්වෙන මේ සංස්කෘතික මංගල්‍යයට එක්වීමට ලැබීම පිළිබඳව සතුටු වෙනවා“


“අපිට අපේ රට මුළු ඉතිහාසය පුරාම ගොඩනැගී ඇත්තේ මේ රටේ ජීවත්වන ජන කොටස්වල සාමය සමගිය පදනම් කරගෙනයි. ඒ පසුබිම තුළම තමයි මේ රටට ඉදිරියට ගෙන ගියේ“


“අද සංහිඳියා කියන වචනය බොහෝ දෙනෙකුගේ සාකච්ජාවට ලක් වෙන වචනයක්. සංහිඳියාව අර්ථයත් එහි විග‍්‍රහයත් සංහිඳියාව පිළිබද කතා කරන විට එහි නිර්වචනයත් මෙහි තිබෙන්නා වූ අරුත් බර බව ගුණාත්මක බව මුළු මහත් පොදු ජන සමාජයට එයින් අත්වන්නා වු යහපත, අපේ මානව සමාජය ශක්තිමත් ප‍්‍රබුද්ධ ජනපවුරක්, ජන පෙරමුණක් විදියට ඉදිරියට ගෙන යෑමට එයින් ලැබෙන්නා වූ ශක්තිය ආශිර්වාදය සහ මඟ පෙන්වීම වැදගත් වෙනවා“