(රේඛා තරංගනී ෆොන්සේකා 

මොරටු විශ්ව විද්‍යාල භූමියේ ඩෙංගු තවාන් පවත්වාගෙන ගිය තිදෙනෙකුට සහ විශ්ව විද්‍යාල භූමියෙන් පිටත බෝඩින් කාමර වල ඩෙංගු තවාන් පවත්වාගෙන ගිය පස්දෙනෙකු ඇතුළු 8කට තරයේ අවවාද කොට එක් අයකුට රුපියල් 5000 බැගින් රුපියල් 40000ක දඩයකට යටත් කරන ලෙස මොරටුව මහේස්ත්‍රාත් කනිෂ්ක විජේරත්න මහතා අද (7) නියෝග කළේය.

එසේ විශ්ව විද්‍යාල භූමිය තුල ඩෙංගු තවාන් පවත්වාගෙන ගිය බව කියන සුනිල් ආටිගල,බෙංගමුවගේ පියසේන , බෙදුහැන්දිගේ පද්මලාල් යන තිදෙනා රසායනාගාර, කොන්ත්‍රාත් වැඩබිම, පිරිසිදු කිරීමේ අංශය බාරව කටයුතු කළ අය බව මහජන සෞඛ්‍ය පරික්ෂකවරයා පැවසීය. 

සැකකරුවන් නදීන් ජයතිලක මහතා විසින් අධිකරණයට ඉදිරිපත් කළ අතර එහිදී ඩෙංගු රෝගය වැලඳී සිසුවියක් මියගිය බවත් පිරිසක් ඩෙංගු රෝගයෙන් පීඩා විඳි බවත් අධිකරණය හමුවේ කරැණු දැක්වු අතර සියලු කරුණු සැලකිල්ලට ගනිමින් මහේස්ත්‍රාත්වරයා මෙම නියෝගය නිකුත් කරනු ලැබීය. 

බෝඩිං කාමර පවත්වාගෙන ගිය බව කියන නිවැසියන් පස්දෙනාටද දඩ නියම කරනු ලැබීය.