(දීපා අධිකාරි,ප්‍රසාද් මුතුකුඩ)

පාර්ලිමේන්තු මන්ත්‍රී නාමල්  රාජපක්ෂට එරෙහිව නඩුවක සැකකාරියක වු  ඔනෙලා  ද සිල්වා  අද (10) අලුයම කටුනායක ගුවන් තොටුපලේ දී  අත්අඩංගුවට ගනු ලැබීය.

ලංකාවේ  ඉල්ලීම මත අබුඩාබියෙන් ඊයේ (9) ලංකාවට එවනු  ලැබු  අතර  ආගමන විගමන නිලධාරීන්  ඇය අත්අඩංගුවටගෙන මුල්‍ය අපරාධ විමර්ශණ කොට්ඨාසයට  බාර දුන්නේය.

2013 ඔක්තොබර් පළමු වැනිදාත් 2014 අගෝස්තු 31 වැනිදාත් අතර කාලය තුළ කොළඹදී පාර්ලිමේන්තු මන්ත්‍රී නාමල් රාජපක්ෂ මහතාට අයත් ගවර්ස් කෝපරේට් සර්විසස් සමාගම වෙනත් සමාගමක් සමඟ කළ ගණුදෙණුවකදී අයුතු ලෙස මුදල් උපයාගැනීමට කුමන්ත්‍රණය කිරීම, ඒ අනුව රුපියල් මිලියන 30ක මුදලක් උපයාගත් බවට මුදල් විශුද්ධීකරණ පනත යටතේ විත්තිකරුවන්ට එරෙහිව චෝදනා  එකොළහක්  යටතේ නීතීපතිවරයා විසින් නඩු පවරා තිබිණි.