(ඉන්දිකා රාමනායක)


අපරාධ රැසක් සම්බන්ධයෙන් පොලිසිය මඟහැර සිටි මීටීයාගොඩ දසුන් සහ ඔහුගේ වැඩිමහල් සොහොයුරා වන ප‍්‍රමිත සහ තවත් පුද්ගලයකු අත්බෝම්බ සහ පිස්තෝල සමඟ විශේෂ කාර්ය බළකායේ මාදිවෙල කඳවුරේ ස්ථාපිත කර ඇති සංවිධානාත්මක අපරාධ මර්දන ඒකකයේ නිලධාරීන් කණ්ඩායමක් විසින් මීටියාගොඩ දී අත්අඩංගුවට ගනු ලැබු බව විශේෂ කාර්ය බළකා මුලස්ථානය කියයි.

මොවුන් මීටීයාගොඩ සුජී නැමැති අපරාධ කල්ලි සාමාජිකයාගේ ගෝලයින් බවද කියති. ඔවුන් සතුව තිබී පිස්තෝල 3ක්, අත්බෝම්බ 2 ක්, ජංගම දුරතකන 6 ක්, විවිධ ජීව උණ්ඩ 9 ක්, ඇතුළු භාණ්ඩ රැසක්  සොයා ගත් බව විශේෂ කාර්ය බළකාය සඳහන් කරයි.

අත්අඩංගුවට ගන්නා අවස්ථාවේ දසුන් නැමැත්තා සතුව අත්බෝම්බයක් හා එන්පී 22 වර්ගයේ පිස්තෝලයක් පොලිස් බාරයට ගෙන ඇත.

සැකකරුවන් දෙදෙනාගෙන් ප‍්‍රශ්න කිරීමේ දී මීටියාගොඩ ප‍්‍රදේශයේ රන්බඩු වෙළෙඳසළක ඉහළ මාලයේ පිහිටි නිවසක සඟවා තිබු ඔවුන්ට අයත් සෙසු ගිනි අවි හා උපකරණ අත්අඩංගුවට ගත් බවද බළකාය සඳහන් කරයි.