(ජයන්ත සමරකෝන්)

බූස්ස විශේෂ බන්ධනාගාරයේ රඳවා සිටින දරුණු ගනයේ පාතාල හා මත්කුඩු ජාවාරම්කරුවන් සමඟ සමීප සබඳතා පවත්වමින් දිගු කාලයක් එකම සේවා ස්ථානයක රැඳී සිටින ජේලර්වරුන් ඇතුළු නිලධාරීන් පිරිසක් වෙනත් සේවා ස්ථාන වෙත මාරුකරු යැවීමට බන්ධනාගාර මූලස්ථානය තීරණය කර ඇත.

මේ වනවිට අදාල නිලධාරීන් පිළිබඳ බුද්ධි අංශ විසින් ඉදිරිපත් කර ඇති වාර්තාව වලට අනුව විමර්ශනයක් සිදුකර ගෙනයන බවද බන්ධනාගාර කොමසාරිස් ජනරාල් තුෂාර උපුල්දෙණිය මහතා අද (28) පැවසීය.

දැනටමත් එවැනි සැක කටයුතු නිලධාරීන් 20 කගේ පමණ තොරතුරු බුද්ධි අංශ විසින්  සොයාගෙන ඇතැයි වාර්තා වේ.

මෙම නිලධාරීන්ගේ වැඩිදෙනා එකම සේවා ස්ථානයක දීර්ඝ කාලයක් සේවය කර ඇතැයි ද දැනගන්නට තිබේ.

පාතාල රැඳවියන්ගේ පණිවිඩ පිටට රැගෙන යාම පවා ඇතැම් නිලධාරීන් සිදුකර ඇතැයි ද බන්ධාගාර ආරංචි මාර්ග සඳහන් කරයි.