(ඩයනා උදයංගනී)
 
මෙවර අයවැයෙන් බියර් මිල අඩුකිරීමට ගත් තීරණය සම්බන්ධයෙන් ශ්‍රී ලංකා නිදහස් තරුණ පෙරමුණ දැඩි අප‍්‍රසාදය පළ කරන බව එහි සභාපති හිටපු නියෝජ්‍ය අමාත්‍ය ශාන්ත බණ්ඩාර මහතා පවසයි. 
 
ඒ මහතා මේ බව පැවසුවේ අද (14) ශ්‍රී.ල.නි.ප තරුණ පෙරමුණු පක්‍ෂ මූලස්ථානයේදී පැවති මාධ්‍ය හමුවක් අමතමිනි.
 
ශ්‍රී ලංකාව වැනි මත්පැන් පානය අඩු රටක මෙවැනි සහන දීම මත්පැන් පානයට ජනතාව දිරිගැන්වීමක් බව ශාන්ත බණ්ඩාර මහතා පැවසීය.ඉදිරියේදී මෙම යෝජනාව සංශෝධනය විය යුතු බව ද සඳහන් කළේය.