(මනෝප්රිය ගුණසේකර)
අත්අඩංගුවට ගත් පර්පෙචුවෙල් ට්රෙෂරීස් ආයතනයේ අධ්යක්ෂ මුත්තුරාජා සුරේන්ද්රන් නමැත්තා ලබන 18 වැනිදා වැනිදා රිමාන්ඞ් බාරයේ රඳවා තැබීමට කොළඹ අතිරේක මහෙස්ත්රාත් ප්රියන්ත ලියනගේ මහතා නියම කළේය.
ශ්රී ලංකා මහ බැංකුව විසින් භාණ්ඩාගාර බැදුම්කර නිකුත් කිරීමේදී මහා පරීමාණ වංචාවක් සිදුකළ බව කියන සිද්ධියට අදාළව අධිකරණයෙන් නිකුත් කළ වරෙන්තුවකට අනුව රහස් පොලිසිය විසින් ඔහු ඊයේ (07) අත්අඩංගුවට ගනු ලැබිණි.
ශ්රී ලංකා මහ බැංකුවේ 2015 මාර්තු 29 සහ 31 වැනි දිනවල පැවැත්වු බැඳුම්කර වෙන්දේසි දෙකකදි රුපියල් බිලියන 52ක මුදලක් සාවද්ය පරිහරණය කළැයි කියන සිද්ධියට අදාළව නීතීපතිවරයා විසින් කරන ලද ඉල්ලීම් පිළිගනිමින් හිටපු මුදල් අමාත්ය රවී කරුණානායක, හිටපු මහ බැංකු අධිපති අර්ජුන් මහේන්ද්රන්, පර්පෙචුවෙල් ටේරෂරීස් සමාගම මෙන්ම එහි අධ්යක්ෂ අර්ජුන් ඇලෝසියස්, ඇතුලු 11 දෙනෙකු වහාම අත් අඩංගුවට ගන්නා ලෙස කළ නියෝගයකට අනුව රහස් පොලිස් නිලධාරීන් කණ්ඩායමක් විසින් පර්පෙචුවෙල් ට්රෙෂරීස් සමාගමේ අධ්යක්ෂවරයකු වන මුත්තුරාජා සුරේන්ද්රන් නමැත්තා අත්අඩංගුවට ගෙන අධිකරණයට ඉදිරිපත් කරන ලදී.
අත්අඩංගුවට ගන්නා ලද මුත්තුරාජා සුරේන්ද්රන් නමැත්තා අධිකරණයට ඉදිරිපත් කරන අවස්ථාවේදී අදාළ භාණ්ඩාගාර බැදුම්කර නිකුවේදී මහා පරීමාණ වංචාවක් සිදුකළ බව කියන සිද්ධියට අදාළව සිදුකළ විමර්ශන වල ප්රගතිය දැක්වෙන වාර්තාවක්ද පොලිසිය අධිකරණයට ඉදිරිපත් කළේය.
2015 මාර්තු 29 සහ 31 වැනි දිනවල පැවැත්වු බැඳුම්කර වෙන්දේසි දෙකකදි රුපියල් බිලියන 52ක මුදලක් සාවද්ය පරිහරණය කළැයි කියන සිද්ධියට අදාළව රහස් පොලිසිය සිදුකළ විමර්ශන වල උධෘත නීතීපතිවරයා විසින් සළකා බැලීමෙන් අනතුරව එවකට හිටපු මුදල් අමාත්ය රවී කරුණානායක, මහ බැංකුවේ හිටපු අධිපති අර්ජුන් මහේන්ද්රන්, පර්පෙචුවෙල් ටේරෂරීස් සමාගම මෙන්ම එහි අධ්යක්ෂ අර්ජුන් ඇලෝසියස්, ඇතුලු 11 දෙනාට අදාළව අධිකරණයට කරුණු වාර්තා කොට වරෙන්තු ලබාගෙන ඔවුන් වහාම අත් අඩංගුවට ගැනීමට පියවර ගන්නා ලෙස උපදෙස් ලබාදී තිබිණි.
2025 නොවැම්බර් මස 21
195
1
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
256
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
1154
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
පර්පෙචුවෙල් ට්රෙෂරීස් අධ්යක්ෂක 18 තෙක් රිමාන්ඩ්