කරුවලගස්වැව ජයරත්න වික්රමාරච්චි
සාලියවැව නීලබැම්ම දකුණු ඉවුරේ විදුලිය වැටට සමීපයේ පිහිටි ඉඩමක නිධන් හෑරීමට සූදානම් වූ බව කියන පුද්ගලයන් පස්දෙනකු ඊට අදාළ ද්රව්ය හා උපකරණ තොගයක් හා වෑන් රථයක්ද සමග අද (8) දින සැකපිට අත් අඩංගුවට ගත් බව සාලියවැව පොලීසිය කියයි.
එක නැට්ටේ දෙහි ගෙඩි තුනේ පොකුරු 2ක් ඇතුළුව දෙහි ගෙඩි 22ක්,ගිරයක්, බුලත් කොළ 21ක්, තෙල් කුප්පියක්, සුදු යකඩ සුර 7ක්, සුවද විලවුන් කුප්පියක්, පහන්තිර පැකැට්ටුවක්, කපුරු පෙති පැකැට්ටුවක්, නූල්පන්දුවක්, පිත්තල අත් සළඹ 1ක්, කොස් ඇට 18ක්, සුදු යකඩ කඩුවක්, සුදු යකඩ පිහියක්, තෙත පස් සහිත පාර්සලයක්, විදුලිය පන්දමක්, සහ ගල් විදීමට යොදා ගන්නා හැමර් යන්ත්රයක් ද පොලිස් බාරයට ගෙන ඇත.
කිසියම් සැක සහිත කණ්ඩායමක් අදාළ ප්රදේශයට වෑන් රථයකින් පැමිණ සිටින බවට ලද තොරතුරකට අනුව පොලීසිය මෙම වැටලීම සිදුකර තිබේ. එහිදී අත් අඩංගුවට ගත් සැකකරුවන් අතර කපුවෙක් ද සිටිනා බවත්, වයස අවුරුදු 22-56 අතර පසුවන මොවුන් දන්කොටුව බෝලවත්ත, කිරිමැටියාන සහ වෙන්නප්පුව ප්රදේශවල පදිංචිකරුවන් බවට මූලික විමර්ශනවලදී අනාවරණය වූ බවත් පොලීසිය සදහන් කරයි.
COMMENTS
රෙබරිකරුගේ ගෙවල් සාලියවැව නීලබැම්ම පැත්තේ නැහැ නේද? මේ හිඟන්නෝ මහා බැංකුවේ සල්ලි එහේ හංගලා කියලා හිතන්න ඇති....
කවුරුවත් ප්රශ්න නොකෙරුවාට ලංකාවේ අද්භූත සල්ලි කාරයෝ වැඩි දෙනෙක් නිදන් හොරු නැතිනම් මත්ද්රව්ය වෙළෙන්දෝ. ඉතින් පොඩි අයත් හිඳලා හිටලා මංකොල්ල කනවා....
වෙන්නප්පුවේ හතු පිපෙන්නා වගේ කෝටි පති බිහි වුනා .එක්කෝ කුඩු ,නැතිනම් නිදන් කියලාය් මිනිස්සු කීවේ .
මේ බඩු ළඟ තිබුන පමණින් පුලුවන්ද කාරණේ ඔප්පු කරන්න? ඔරුවක නැගී යන කාන්තාවක අත මල්, පහන්තිර, තෙල්, හඳුන්කුරු, බුලත්, සුදු යකඩ පිහියක් ආදී දේ දැකල තොටිය කිව්වලු මං උඹව එගොඩට ගිය හැටියේ පොලිසියට අල්ල දෙනවා නිදන් හාරන්න යනවා කියල. කාන්තාව කිව්වලු ඉතින් මං නිදන් හැරුවේ නෑනේ කියල. ඒ වුනාට උඹ ළඟ ඒ අපරාදයට අවශ්ය ඔක්කොම බඩු තියෙනවා, අනික උඹ යන්නේ අර කැලේ තියෙන පාළු දේවාලේ පැත්තට, තොටිය කිව්වලු. කාන්තාව කියනවා එහෙනම් මම උඹව අල්ලල දෙනවා ස්ත්රී දුෂණය කලාට. තොටිය උපහාසයෙන් කියනවා ඉතින් මං ස්ත්රී දුෂණයක් කලේ නැහැ නේ කියල. කාන්තාව කිව්වා, ' ඒ වුනාට උඹ ළඟ ඒ අපරාධයට අවශ්ය ඔක්කොම බඩු තියෙනවා, අනික උඹ යන්නෙත් ඒ කැලේ තියෙන පාළු දේවාලෙ පැත්තට'. මේකත් එවගේද මන්ද.