දිවියා ඝාතනයේ සැකකරුවන් 10 දෙනාට ඇප

(සිතුම් චතුරංග )

දිවියකු පොලූ මගුරුවලින් පහරදී අමානුෂික ඝාතනය කිරීම සම්බන්ධයෙන් සැකපිට අත්අඩංගුවටගෙන රක්ෂිත බන්ධනාගාර ගතකර සිටි සැකකරුවන් දසදෙනා හට එක් අයකුට රුපියල් ලක්ෂ දෙකක ශරීර ඇප දෙකක් මත මුදාහරින ලෙස කිලිනොච්චිය මහෙස්ත‍්‍රාත් එම්. ගනේෂරාජා මහතා අද (05) නියෝග කළේය.

සැකකරුවට මුදලින් රුපියල් 5000ක මුදල් ඇපයක් ගෙවන ලෙසද නියෝග කළ මහෙස්ත‍්‍රාත්වරයා සෑම මසකම අවසන් සඳුදා දින කිලිනොච්චිය පොලිස් මූලස්ථානයේ පෙනී සිටින ලෙසටද නියෝග කරනු ලැබීය.

මෙලෙස ඇපමත මුදාහැරුණේ කිලිනොච්චිය පාසලක අනධ්‍යන කාර්ය මණඩල සේවකයකුවූ ත්‍යාගරාසා සුගන් (22) , කිලිනොච්චිය අම්බාල්කුලම් පදිංචි තුරෙයිරාසා ප‍්‍රසාද් (23), නටරාජා මෝහන්රාජ්(42) , නටරාජා සුපුමාර් (39) , යෝගරාසා නිරෝජන් , රොබින් ඇන්ටන් , කිලිනොච්චිය ක‍්‍රිශ්ණපුරම් පදිංචි සින්නරාසා පිරින්දන්(24) හා කිලිනොච්චිය ධර්මපුරම් පදිංචි තම්බිරාසා තවරාසා(27)නැමැත්තන් වේ.

දිවියා ඝාතනය කිරීම සම්බන්ධයෙන් පසුගිය 25 වැනිදා සැකකරුවන් හත්දෙනකු පොලිසිය අත්අඩංගුවටගෙන අධිකරණයට ඉදිරිපත් කිරීමෙන් පසු බන්ධනාගාර ගතකොට සිටි අතර පසුගිය (29) දා තවත් සැකකරුවන් තිදෙනකු වරද පිළිගනිමින් කිලිනොච්චිය මහෙස්ත‍්‍රාත් අධිකරණයට ඉදිරිපත්ව සිටියහ.

වනජීවි නිලධාරීන් විසින් කිලිනොච්චිය මහෙස්ත‍්‍රාත් අධිකරණයට ඉදිරිපත් කළ වීඩියෝ දර්ශන උපයෝගීකරගනිමින් මෙම සැකකරුවන් හදුනාගෙන අත්අඩංගුවටගෙන තිබිණ.

ලබන සැප්තැම්බර් 27 වන දින නඩු විභාගය නැවත කැඳවීමට නියමිතය.

දිවියා ඝාතනයේ සැකකරුවන් 10 දෙනාට ඇප

අදහස් (0)

දිවියා ඝාතනයේ සැකකරුවන් 10 දෙනාට ඇප

ඔබේ අදහස් එවන්න

වැඩි දෙනා කියවූ පුවත්

’’බුදුන්ගේ රස්තියාදුව’’ කෘතිය බුදු දහමට නිගාවක්

’’එකතුවට බාධාව මම නම් යන්න සූදානම්’’

සොහොන් පිට්ටනිය නාය ගිහින් මාසයයි:තවමත් මිනී පාර දිගේ

නාමල්, හරිනිට ස්තුති කරයි

ලංකාවට තවත් ණය එපා:එය දරා ගන්න බෑ

මේවාටත් කැමතිවනු ඇති

ඩයලොග්, සිය පාරිභෝගිකයින් ලක්ෂ 15 කට අධික පිරිසක් හා යා වෙමින් ශ්‍රී ලංකාවේ විශාලතම 5G ජාලය දියත් කරයි

සියපත ෆිනෑන්ස් පීඑල්සී 60 වැනි ශාඛාව වරකාපොළ නගරයට

ශ්‍රී ලංකාව යළි ගොඩනැගීම වෙනුවෙන් HUTCH සමාගම රුපියල් ලක්ෂ 600 ක සුවිශේෂී මූල්‍ය දායකත්වයක් ලබා දෙයි

Our Group Site