(කාංචන කුමාර ආරියදාස)
 
රංගිරි දඹූලු උයන්වත්ත රජමහා විහාරස්ථ භූමියේ පිහිටි පන්සලේ  වැවේ  දියනෑමට ගිය තරුණයකුගේ ජීවිතයක් බේරාගැනීමට දඹුල්ල ජලක්‍රීඩා හා පොලිස් ජීවිතාරක්ෂක සංගමයේ  නිලධාරීන් පිරිසකට අද( 24) හැකි විය.

 
මෙසේ දිවි බේරාගෙන ඇත්තේ බෙන්තර ප්‍රදේශයේ සිට රන්ගිරි දඹුලු රජමහා විහාරස්ථානය වැඳ පුදා ගැනීමට පැමිණි බව කියන එස් .මහේෂ්  (18) නැමැති තරුණයෙකු බව පොලිසිය කියයි.

හෙට (25 ) මෙම  වැවේ පිහිනුම් තරගයක් පැවැත්වීම සඳහා අවශ්‍ය වටපිටාව සකසමින් ජිවිතාරක්ෂක  සාමාජික යන එහි  රාජකාරියේ දී සිට  තිබේ. 

ඒ අවස්ථාවේදී වන්දනාවේ පැමිණි පිරිස් දියනාමින් විනෝද වෙමින් සිට ඇති අතර බෝට්ටුවක රැඳී සිටිමින්   පිහිනුම්  ක්‍රීඩාව සඳහා අවශ්‍ය පරිසරය සූදානම් කරමින් සිටි ජිවිතාරක්ෂක නිලධාරියෙකු මෙම තරුණයා දියේ ගිලෙන දැක වහාම ක්‍රියාත්මක වී  ජීවිතය බේරාගෙන ගොඩටගෙවිත් තිබේ.

දඹුල්ල  මුලස්ථාන පොලිස් පරීක්ෂක සම්පත් වික්‍රමරත්න මහතාගේ උපදෙස් පරිදි මාතලේ දිස්ත්‍රික් ජීවිතාරක්ෂක උපදේශක පොලිස් සැරයන් සුනිල් විජේසිංහ මහතා ඇතුළු  ජිවිතාරක්ෂක සංගමයේ නිලධාරීන් ක්‍රියාකාරී සාමාජික සාමාජිකාවන් මෙම අවස්ථාවේ පන්සලේ වැව රාජකාරි කටයුතු වල නිරත ව සිට තිබේ.