(මහින්ද නිශ්ශංක)

වැටුප් ප්‍රශ්නයක් මුල් කරගෙන දුම්රිය රියදුරු නියාමක ස්ථානාධිපති සහ දුම්රිය පාලක විසින් අද (20) මධ්‍යම රාත්‍රීයේ සිට ක්‍රියාත්මක කිරිමට නියමිතව තිබු පැය 48 ක වර්ජනය අත්හිටවිමට දුම්රිය මෙහෙයුම් අධීක්ෂණ නිලධාරීන්ගේ වෘත්තිය සමිති සන්ධානය තීරණය කර ඇත.

තම ඉල්ලීම සම්බන්ධව අගමැති ලේකම් සමන් ඒකනායක මහතා සමඟ අද (20) පෙරවරුවේ පැවති සාකච්ඡාවේ දී මෙම ශ්‍රේණි සඳහා තෘතියික මට්ටමේ වැටුප් තල ලබා දීමට දුන් ලිඛිත පොරොන්දුව අනුව මෙම වැඩවර්ජනය අත්හිටුවා ඇත.