2021 දෙසැම්බර් මස 02 වන බ්රහස්පතින්දා
( චන්ද්‍ර සේන ගමගේ)
දකුණු පළාත පුරා පැතිරී ගිය වෛරස් උණ තත්ත්වය මේ වන විට සියයට 75 න් පමණ පාලනය කර ඇතැයි දකුණු පලාත් සෞඛ්‍ය සේවා අධ්‍යක්ෂ ජී . විජේසූරිය මහතා පැවසීය.ඒ මහතා වැඩි දුරටත් පැවසුවේ රජයේ සෞඛ්‍ය අංශ ගනු ලැබූ පියවරයන් නිසා රෝග ව්‍යාප්තිය පාලනය කර ගැනීමට හැකි වූ බවයි.
හම්බන්තොට දිස්ත්‍රික්කයේ ව්‍යාප්ත වෙමින් තිබූ වෛරස් උණ රෝගී තත්වය මුළු මනින්ම පාලනය කොට ඇති බවත් තංගල්ල මූලික රෝහලේ රෝගීන් දෙතුන් දෙනෙකු ප්‍රථිකාර ලබන බවත් තව දින දෙක තුනකදී තංගල්ල මූලික රෝහල ද යථා තත්වයට පත් වෙන බවත් ජී. විජේසූරිය මහතා පැවසීය.
රෝගය පාලනය කොට තිබියදීද් ඇතැම් දෙමා පියන් දරුවන් පාසල් එවීමට අකමැති වීම අවාසනාවන්ත තත්වයක් බවද දකුණු පලාත් සෞඛ්‍ය සේවා අධ්‍යක්ෂ වරයා වැඩි දුරටත් පැවසීය.
