මෙවර පැවැත්වෙන  72 වැනි ජාතික නිදහස් උත්සවයේදී  ජාතික ගීය සිංහලෙන් පමණක් ගායනා කිරීමට රජය තීරණය කර තිබේ.

එළැඹෙන පෙබරවාරි 4 වැනිදා කොළඹ නිදහස් චතුරස්‍රයේදී  මෙවර  නිදහස් දින උත්සවය පැවැත්වෙයි.

මෙම තීරණය පිළිබඳව අපදා කළමනාකරණ  පළාත් පාලන හා පළාත් සභා අමාත්‍ය ජනක බණ්ඩාර තෙන්නකෝන්  මහතා විසින්  අමාත්‍යංශයේදී පැවැති  රැස්වීමකදී  සඳහන් කර තිබේ. 

එමෙන්ම මේ වසරේ සැමරුම  පොලිස් හා යුද හමුදාවේ පූර්ණ ගෞරවය සහිතව  රාජ්‍ය ආයතන හා කොළඹ නගර සභාවේ මූලිකත්වයෙන් සංවිධානය කිරීමට ජනාධිපති ගෝඨාභයය රාජපක්ෂ මහතා උපදෙස් ලබා දී තිබේ.

ත්‍රිවිධ හමුදා පෙර පුහුණු වීම් මහජනතාව අපහසුතාවට පත් නොවන අයුරින්  පැවැත්වීමටත් උපදෙස් ලබා දී  ඇත.