(ඩී.ජී.සුගතපාල)


ගාල්ල ප්‍රධාන තැපැල් කාර්යාලයේ අධික්ෂණ නිලධාරින්ගේ කාමරයේ  මාස කිහිපයක සිට සඟවා  තිබු ලිපි දහස් ගණනක් අඩංගු තැපැල් මලු තොගයක් අද (11) දකුණු පළාත් නියෝජ්‍ය තැපැල් ජනරාල්වරිය සහ ගාල්ල ප්‍රාදේශිය තැපැල් අධිකාරිවරිය විසින් සොයා ගෙන ඇත.


මෙම කාමරයට වෙනත් බාහිර පුද්ගලයින්ට ඇතුලු විමට නොහැකි අතර ඇතුලු විය හැක්කේ අධික්ෂණ නිලධාරිවරුන්ට පමණි.


අද පෙරවරුවේ හදිසියේම එම නිලධාරිණියන් දෙදෙනා ඇතුලු තවත් උසස් නිලධාරින් කිහිප දෙනෙකු මෙම කාමරයට පැමිණ පරික්ෂා කිරිමේදි මෙම තැපැල් මලු සොයාගෙන ඇත.


එහිදි විදේශ රටවල සිටින පුද්ගලයින් විසින්  මෙරට සිටින ඥාතින්ට එවනලද ලිපි සහ පාර්සල් රැසක් කඩා තිබියදි සොයාගෙන ඇති අතර එයට අමතරව පසුගිය  මැතිවරණයේදි ගාල්ල දිස්ත්‍රික්කයේ ඇමතිවරුන් දෙදෙනෙකු විසින් ඡන්දදායකයින් වෙත යැවිමට බාරදෙන ලද ලිපි දහස් ගණනක් තිබු බවද තැපැල් සේවකයෝ පැවසුහ.


තැපැල් සේවකයින් පැවසුවේ දිර්ග කාලයක් තිස්සේ විදේශ රටවලින් ලැබෙන ලිපි කැඩිමේ ජාවාරමක් පවත්වාගෙන ගොස් ඇති අතර ඒ සම්බන්ධයෙන් කරන ලද නිර්නාමික පෙත්සම් අනුව මෙම හදිසි වැටලිම කරඇති බවය.


මේ පිළිබදව ගාල්ල ප්‍රාදේශිය තැපැල් අධිකාරි බුද්ධිකා ද සිල්වා මහත්මියගෙන් දුර කතනයෙන් විමසුවිට කියා සිටියේ එවැනි සිද්ධියක් වාර්තාවි තිබෙන අතර පරික්ෂණ පවත්වා ගෙන යන බවයි.