(පුෂ්පකුමාර මල්ලවආරච්චි සහ බටේපොල විජයසිරි)
 
තේ කම්හල්වලින් ඉවතලන කසල තේ රැගෙනවිත් අරාබි රටවල්වලට අපනයනය කිරීම සදහා ඇසුරුම් කරමින් තිබූ බව කියන දිවුලපිටිය බලගල්ලේ ගබඩාවක් වටලා කසල තේ කිලෝ ග‍්‍රෑම් 20,000 ක් සමග සැකකරුවන් දෙදෙනෙකු අද(12) අත්අඩංගුවට ගත් බව දිවුලපිටිය පොලිසිය කියයි.
 
කන්ටේනර් ලොරි දෙකක්ද අත්අඩංගුවට ගෙන ඇති අතර මෙම වැටලීමේදී සැකකරුවන් පිරිසක් වෑන් රියකින් පලා ගොස් ඇති බවද පොලිසිය කියයි.
 
100% ක් පිරිසිදු සිලෝන් තේ බව ඉංගී‍්‍රසියෙන් මුද්‍රණය කරන ලද කවර විශාල ප‍්‍රමාණයක්ද පොලිසිය සොයා ගෙන තිබේ.