විනීතා එම් ගමගේ

කොළඹ සම්බෝධි විහාරාධිපති සහ බෞද්ධයා නාලිකාවේ නිර්මාතෘ  අපවත් වී වදාල දරණාගම කුසලධම්ම හිමියන්ගේ ආදාහන පූජෝත්සවය බ්‍රහස්පතින්දා (08) සවස සිදු කිරීමට තීරණය  වී ඇත.

ආදාහන පූජෝත්සවය  පැවැත්වෙන වේලාව සහ ස්ථානය පිළිබඳව අද (3) සවස පැවැත්වෙන   දායක සභාවේ විශේෂ රැස්වීමකදී තීරණය කෙරෙනු ඇතැයි බෞද්ධයා නාලිකාවේ ප්‍රකාශකයෙක් පැවැසීය.

උන්වහන්සේගේ දේහය අද රාත්‍රි 10ට පමණ විහාරස්ථානයට වැඩමවීමට නියමිත අතර රාත්‍රි 12 න් පසු ජනතාවට අවසන් ගෞරව දැක්වීමට අවස්ථාව ලබාදෙනු ඇතැයි ද හෙතෙම සඳහන් කළේය.