IMG-LOGO

කැබිනට් රැස්වීමේදී ඇමැතිවරු අතර උණුසුම් සංවාදයක්

(අජන්ත කුමාර අගලකඩ)

පළාත් සභා මැතිවරණය අලුත් ක්‍රමයට පවත්වනවාද නැතිනම් පැරණි ක්‍රමයට පවත්වනවාද යන්න සම්බන්ධයෙන් අද (02) පැවැති කැබිනට් රැස්වීමේදී ද ඇමැතිවරුන් අතර උණුසුම් සංවාදයක් ඇති වූ බව වාර්තාවේ.

පළාත් සභා සීමා නිර්ණ කමිටු වාර්තාව අධ්‍යයනය කර නිර්දේශ කිරීම සඳහා පත්කළ කමිටුව පසුගියදා රැස්වූ බවත් පළාත් සභා ඡන්දය පැරණි ක්‍රමයටම පවත්වන්නේද නැතිනම් අලුත් ක්‍රමයට පවත්වන්නේ ද යන්න සම්බන්ධයෙන් කැබිනට් මණ්ඩලය තීන්දුවක් ගත යුතු බවත් අගමැති රනිල් වික්‍රමසිංහ මහතා ප්‍රකාශ කර ඇත.

පළාත් සභා ඡන්දය පැරණි ක්‍රමයට පැවැත්වීමට දේශපාලන පක්ෂ වැඩි කැමැත්තක් දක්වන බවද අගමැතිවරයා ප්‍රකාශ කර තිබේ.

එහිදී අදහස් දක්වා  ඇති ඇමැති නිමල් සිරිපාල ද සිල්වා මහතා  ශ්‍රී ලංකා නිදහස් පක්ෂයේ ස්ථාවරය කොට්ඨාස ක්‍රමයට මැතිවරණය පැවැත්වීම යැයි පවසා ඇත.

ශ්‍රී ලංකා නිදහස් පක්ෂය 19 වැනි ව්‍යවස්ථා සංශෝධනයට පක්ෂව ඡන්දය දෙන්නේ ද කොට්ඨාස ක්‍රමයට මැතිවරණය පැවැත්වීමේ එකඟතාව අනුව බවද ඇමැති නිමල් සිරිපාල ද සිල්වා මහතා ප්‍රකාශ කර ඇත.

මේ අතරේ අදහස් දක්වා ඇති ඇමැති ෆයිසර් මුස්තාෆා මහතා නැවත පැරණි ක්‍රමයක් ගැන කතා කළ නොහැකි බවත් ශ්‍රීලනිපයේ ස්ථාවරය කොට්ඨාස ක්‍රමයට පැවැත්වීම බවත් සඳහන් කර ඇත.

එහිදී අදහස් දක්වා ඇති ඇමති පාඨලී චමිපික රණවක මහතා පළාත් සභා මැතිවරණය පවත්වන ක්‍රමය සම්බන්ධයෙන් ඇත්තේ විකල්ප තුනක් බව සඳහන් කර ඇත.

අලුතින් සම්මත කරන ලද පළාත් සභා මැතිවරණ පනත අහෝසි කර පැරණි ක්‍රමයට ඡන්දය පැවැත්වීම. අලුත් පනතේ අඩුපාඩු නිවැරදි කර අලුත් ක්‍රමයට ඡන්දය පැවැත්වීම. සීමා නිර්ණ කමිටු වාර්තාවේ අඩුපාඩු නිවැරදි කර ඊළඟ මැතිවරණය කොට්ඨාස ක්‍රමයට පවත්වන තෙක් මේ මැතිවරණය පැරණි ක්‍රමයට පැවැත්වීම. යන්න එම විකල්ප තුන බවද ඇමැති රණවක මහතා පවසා ඇත.

ඇමැතිවරයාගේ අදහස් දැක්වීමෙන් අනතුරුව අදහස් දක්වා ඇති ජනාධිපති මෛත්‍රීපාල සිරිසේන මහතා මේ ගැන කැබිනට් රැස්වීමේදී පමණක් සාකච්ඡා නොකර වහාම දේශපාලන පක්ෂ සියල්ල කැඳවා මේ පිළිබඳව කඩිනමින් සාකච්ඡා කළ යුතු බව පවසා ඇත.

ඒ අනුව මැතිවරණ ක්‍රමය සම්බන්ධයෙන් සාකච්ඡා කිරීමට සියලු දේශපාලන පක්ෂ වල නායකයින්ගේ සහභාගිත්වයෙන් යුතු සාකච්ඡාවක් ජනාධිපතිවරයාගේ ප්‍රධානත්වයෙන් අනිද්දා (5) පැවැත්වෙන ඇතැයිද වාර්තාවේ.

 



අදහස් (3)

කැබිනට් රැස්වීමේදී ඇමැතිවරු අතර උණුසුම් සංවාදයක්

sathyapala Wednesday, 03 October 2018 05:07 AM

කිසිම දෙයක් හරියට කරගන්න බැරි මිනිහෙකුට වැඩය පවරලා කට්ටිය බයිලා ගහා ඉන්න්නවා. අනේ මෙහෙම ආණ්ඩුවක් .

:       14       69

vernon Wednesday, 03 October 2018 05:48 AM

කෝ මෙතන කිසිම උණුසුම් සංවාදයක් වෙලා නෑනේ.

:       0       5

Sathya Wednesday, 03 October 2018 08:10 AM

හැමෝම තමන්ගේ වාසිය තමයි බලන්නේ. ශ්‍රී.ල.නි.ප. බයයි අපහු ඡන්දෙකදී ඉතිරි රෙදි ටිකත් ගැලවෙයි කියලා. අඩු ගානේ මෙතන තියෙන විකල්ප 3 මතුවුන එකයි, පක්ෂ නායකයෝ එක්ක කතාකරන්න තීරණය කරපු එකයි ලොකු දෙයක්. මේ යන විදියට ඊලඟ පාර්ලිමේන්තු මැතිවරණය ගැනත් ෂුවර් නෑ. ඡන්ද කල් දමන්න අවශ්‍යතාවයක් නැත්නම් දැන්ම ඉඳන් සීමා නිර්ණය කරගන්න ඕනි.

:       0       9

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 52 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 441 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 879 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site