(ජේ.ඉඳුරුවගේ)

කොස්ගොඩ ව්‍යාපාරිකයකුගෙන්  රුපියල් කෝටි එකහමාරක කප්පමක් ඉල්ලා එයින් රුපියල් කෝටියක කප්පමක් ලබා ගැනීමේ සිද්ධියකට සම්බන්ධ පුද්ගලයන් ගැන තොරතුරු දීමට එම ව්‍යාපාරිකයාගෙන් තවත් රුපියල් කෝටියක් ඉල්ලූ බව කියන කප්පම් කල්ලියක සාමාජිකයන් දෙදෙනකු සැකපිට අත් අඩංගුවට ගත් බව කොස්ගොඩ පොලිසිය කියයි.

එමෙන්ම එම ව්‍යාපාරිකයාගෙන් මුලදී රුපියල් කෝටියක කප්පමක් ලබා ගැනීමේ සිද්ධියට අදාළ ප්‍රධාන සැකකරු අත් අඩංගුවට ගැනීමට පරීක්ෂණ අරඹා ඇතැයිද පොලිසිය පැවසීය.  

නාඳුනන දුරකථන ඇමතුම් මගින් වරින්වර තම  දියණිය මරා දමන බවට තර්ජනය කර එසේ නොකර සිටීමට නම් රුපියල් කෝටියක මුදලක් ඉල්ලා සිටි බවත් එම මුදල් දුන් පසු නැවතත් එලෙස තර්ජනය කර තවත් රුපියල් ලක්ෂ 50 ක් ඉල්ලා සිටි බවත් කියමින් අදාළ ව්‍යාපාරිකයා පසුගියදා කොස්ගොඩ පොලිසියට පැමිණිල්ලක් කර ඇත.