(විනීතා එම් ගමගේ)

උතුරේ ආරක්ෂක අංශ කොටි සමරන්නට එන අය ආපසු හරවා ඇත්තේ නිරෝධායනයට යවන බව කියමින් වුවත් කොරෝනා වසංගතය නැතත් කොටි  සමරන්නට දිය නොහැකි බව තම ස්ථාවරය යැයි පිවිතුරු හෙළ උරුමය නායක උදය ගම්මන්පිල මහතා ප‍්‍රකාශ කළේය.
 
නිරෝධායන නීති යටතේ කොටි සමරන්නට දිය නොහැකි යැයි ආරක්ෂක අංශ කියන්නේ කොවිඩි 19 නොතිබුණා නම් කොටි සමරන්නට පුළුවන් කියන එක දැයි ඔහු ප‍්‍රශ්න කළේය.
 
කොවිඞ් 19 තිබුණත් නැතත් මේ රටේ කොටි සැමරුම් තියන්නට ඉඩ දිය නොහැකි යැයි ද එය කොන්ද පණ නැති ඊනියා යහපාලන ආණ්ඩුව යටතේ සිදු උනා විය හැකි වුවත් ගෝඨාභය රාජපක්ෂ ජනාධිපතිවරයා සිටියදී හා  මහින්ද රාජපක්ෂ අගමැතිවරයා සිටියදී එය සිද්ධවීමට ඉඩ දිය නොහැකි යැයි ද ඔහු කියා සිටියේය.
 
ගම්මන්පිල මහතා මේ අදහස් පළ කළේ පිටකෝට්ටේ පිහිටි පිවිතුරු හෙළ උරුමය පක්ෂයේ ප‍්‍රධාන කාර්යාලයේ අද (19) පැවති මාධ්‍ය හමුවක් අමතමිනි.
 
එම මාධ්‍ය හමුව අමතමින් තවදුරටත් අදහස් දැක්වූ ගම්මන්පිල මහතා  යුද්ධයෙන් මිය ගිය සිය ඥාතියා සමරා ආගමික කටයුතු කරන්නට  ඕනැම කෙනෙකුට අයිතියක් ඇතැයි ද  ඊට බාධාවක් නැතත් ත‍්‍රස්තවාදින් සාමුහිකව සමරන්නට ඉඩ දිය නොහැකි යැයි ද පැවැසීය. 
 
එයින් තරුණ පරපුර ත‍්‍රස්තවාදයට යොමු වීමේ ප‍්‍රවනතායවක් ඇතිවිය හැකි බව ද හෙතෙම පෙන්වා දුන්නේය.