(ටී. කේ. ජී. කපිල)

රුපියල් තුන් කෝටි තුනහමාරක් වටිනා ස්වර්ණාභරණ තොගයක් නීතිවිරෝධීව ශ්‍රී ලංකාවට රැගෙන ආ 27 හැවිරිදි ගුවන් සේවකයෙකු අද(18) අත් අඩංගුවට ගත් බව රේගු මාධ්‍ය ප්‍රකාශක ධර්මසේන කහඳව මහතා පවසයි.

මෙම ගුවන් සේවකයා අද උදෑසන 10.25 ට පමණ මැලේසියාවේ ක්වාලාලම්පූර් නුවර සිට පැමිණි ගුවන් යානයකින් කටුනායක ගුවන් තොටුපළට පැමිණ තිබේ.

ඔහු කොළඹ බලා යද්දී රේගුව වෙත ලද තොරතුරු මත පෑලියගොඩ ප්‍රදේශයේ දී රේගුව විසින් මෙම පුද්ගලයා අත් අඩංගුවට ගනු ලැබ තිබේ . එහිදී ඔහු රැගෙන ආ අත් බෑගය රේගුව විසින් පරීක්ෂා කරත්දී ඒ තුළ තිබී මෙම ස්වර්ණාභරණ තොගය සොයා ගෙන තිබේ .

එහි කිලෝ ග්රෑම් 6 යි ග්රෑම් 500 ක් බර ස්වර්ණාභරණ තොගයක් තිබූ බැව් රේගුව පවසයි .

(ඡායාරූප-ප්‍රසාද් මුතුකුඩ)