(කැලුම් බණ්ඩාර)

ආර්ථික හා තාක්ෂණික සහයෝගිතා ගිවිසුම (එට්කා) සම්බන්ධයෙන් ඉන්දියාව හා ශ්‍රී ලංකාව අතර පැවැත්වෙන සිව්වැනි නිල සාකච්ඡාව අද (24) නව දිල්ලියේදී පැවැත්වීමට නියමිත බව බලධාරීහු පවසති.

එට්කා ගිවිසුම සම්බන්ධයෙන් දෙපාර්ශවය අතර පැවැත්වෙන සිව්වැනි සාකච්ඡාව මෙය බව සංවර්ධන උපාය මාර්ග හා ජාත්‍යන්තර වෙළෙඳ කටයුතු අමාත්‍යංශ ලේකම් චාන්දනී විජේවර්ධන මහත්මිය ප්‍රකාශ කළාය.
 
මෙම සාකච්ඡා දින තුනක් පැවැත්වෙන බවත් අප්‍රේල් 26 අවසන් වනු ඇති බවත් ඒ මහත්මිය පවසයි.මේ වන තෙක් මූලික යෝජනා ගැන පමණක් සාකච්ඡා සිදු වූ බවත් කිසිවක් අවසන් වශයෙන් තීරණය නොවනු ඇතැයි ද ඒ මහත්මිය කියයි.

(ඩේලිමිරර් ඇසුරෙනි-042)