(දයාරත්න ඇඹෝගම)
 
උතුරු මැද පළාත් සභාවේ ශ්‍රි ලංකා නිදහස් පක්ෂය නියෝජනය කළ මන්ත්‍රිවරුන් 13  දෙනෙක් අද(29) ශ්‍රි ලංකා පොදුජන පෙරමුණේ සාමාජිකත්වය ලබා ගත්හ.
 
උතුරුමැද පළාත් හිටපු ප්‍රධාන ඇමති පළාත් සභා මන්ත්‍රි එස්.එම් රංජිත් සමරකෝන් මහතාගේ අනුරාධපුර පිහිටි මහජන සම්බන්ධිකරණ කාර්යාලයේදි ඔවුහු අද(29)පෙරවරුවේ මාධ්‍ය හමුවක් කැදවමින් මේ බව දැනුම් දුන්හ.
 
ඒ අනුව අනුරාධපුර දිස්ත්‍රික්කය නියෝජනය කරන එම පළාත් සභාවේ හිටපු ප්‍රධාන ඇමති එස්.එස් රංජිත් සමරකෝන්, හිටපු ඇමතිවරුන්වන එච්.බි සේමසිංහ, කේ.එච් නන්දසේන, හිටපු සභාපති ටි.එම්.ආර් සිරිපාල, මන්ත්‍රිවරුන්වන කේ.පි සරත් කුමාරසිරි, ගමගේ විරසේන, උපාලි විජේකෝන්,කල්යානි කරල්ලියද්ද, ජනක් මහේන්ද්‍ර අධිකාරි, අබ්දුල් හුසේන්, සහ පොලොන්නරුව දිස්ත්‍රික්කය නියෝජනය කරන හිටපු ඇමතිවරයකුවු ආර්.එම්.පි.බි රත්නායක, මන්ත්‍රිවරුන්වන ජි.ජි චන්ද්‍රසේන සහ අමරකිර්ති අතුකෝරල යන මහත්වරුන් මෙසේ සාමාජිකත්වය ලබා ගත් බව රංජිත් සමරකෝන් මහතා තහවුරු කළේය.