(පද්මා කුමාරී කංකානම්ගේ )

කල්පිටිය බත්තලගුංඩුව දූපත ආසන්න සයුරේ, පසු ගිය සතිය පුරා ඉන්දියන්  ධීවර   යාත්‍රා සමූහ වශයෙන් පැමිණ කල්පිටිය ධීවරයින්ගේ ලක්ෂ ගණනාවක් වටිනා ධීවර දැල් විනාශ කරමින්, ධීවර කටයුතුවල නිරත වී ,පලා ගිය බවට ධීවර ජනතාව චෝදනා නගති.

ආසන්නතම ඉන්දියන් ධීවර ආක්‍රමණයට අද  (10 ) , මුහුණදුන් බත්තලංගුංඩුවේ සංක්‍රමණික ධීවරයෙකු වූ තලවිල වර්ණකුළසූරිය ලලිත් ප්‍රසන්න  සඳහන් කළේය.

බත්තලගුන්ඩුවේ  සිට කිලෝ මීටර දහයක් දුරින් එළා තිබූ තම මඩු සහ කට්ට දැල් මතින්, ඉන්දියන් ධීවර යාත්‍ර ගමන් ගැනීම නිසා, රුපියල් ලක්ෂ පහක් පමණ වටිනා තම දැල් විනාශ වූ බවයි.

අඩි හැටක් පමණ දිග මෙම ඉන්දියන් ධීවර යාත්‍රා, 50, 60 යාත්‍රා සමූහ වශයෙන් පැමිණෙන බවත්, ඉකුත් සතිය පුරාම කල්පිටි මුහුදේ මෙවැනි යාත්‍රා සමූහ මගින් කල්පිටිය ධීරයන්ගේ දැල් වලට විශාල හාණියක් සිදු කළ බැව් ඒ මහතා වැඩිදුරටත් පැවසුවේ ය.

එම හානින්ට මුහුණදුන් ධීවරයින් අතුරින් කිහිප දෙනෙකු පමණක් මේ වනවිට බත්තංගුංඩුවපොලිසියේ,විජය නාවුක හමුදාවේ සහ පුත්තලම ධීවර හා ජලජ සම්පත් දෙපාර්තුමේන්තුවේ  පැමිණිලිකර ඇති බවත් ඒ මහතා පැවසුවේ ය.

මේ පිළිබදව ධීවර හා ජලජ සම්පත් දෙපාර්තුමේන්තුවේ,පුත්තලම කාර්‍යාලයේ සහකාර ධීවර අධ්‍යක්ෂ සරත් චන්ද්‍ර නායක මහතා සඳහන් කළේ "ඉකුත් සති කිහිපය තුළ ඉන්දියන් ආක්‍රමණ ඉහළගොස් තිබෙනවා. ධීවර පැමිණිලි ගණනාවක් ලැබී තිබෙනවා.මෙහි විශේෂත්වය වන්නේ ඔවුන් ඉතා මෑත අපෙ දේශසීමාවට පැමිණීමයි.ඉන්දීය ධීවර විනාශකාරී පන්න ක්‍රමයන් නිසා,අපෙ මුහුදු පතුලට හාණි වෙනවා. අපෙ මත්ස්‍ය ප්‍රජාව විනාශ වෙනවා."
 
මේ අතර, ආරක්ෂක අංශ ආරංචි මාර්ගවලින් දන ගත් හැකි වූ යේ,කල්පිටිය සයුර ආශ්‍රිතව ඉන්දියන් ධීවරයින් අවසන් වරට අත් අඩංගුවට ගෙන ඇත්තේ, පසු ගිය 2015 වසරේ බව ය.ඉන් පසු ඉන්දියන් ධීවරයින් අත් අඩංගුවට ගැනීමේ කිසිදු මෙහෙයුමක, ක්‍රියාත්මකව නැති බවත් වාර්තා වේ.