(රන්ජන් කස්තුරි)

ශ්‍රී ලංකාවේ ඇමෙරිකානු තානාපති අතුල් කෙශාප් මහතා පෙරේදා (10) පස්වරුවේ හිටපු ජනාධිපති මහින්ද රාජපක්‍ෂ මහතා හමුවූයේය.

ඇමරිකානු තානාපතිවරයා කොළඹ විජේරාම හි පිහිටි හිටපු ජනාධිපතිවරයාගේ නිල නිවසට ගොස් මහින්ද රාජපක්‍ෂ මහතා හමු වී පැය එකහමාරක පමණ කාලයක් සුහද කතාබහක නිරතව ඇතැයි ද වාර්තා වේ.

හිටපු ජනාධිපතිවරයා සහ ඇමෙරිකානු තානාපතිවරයාගේ සාකච්ඡාවට වෙනත් කිසිවෙක් සහභාගි වී නැති අතර එහිදී සාකච්ඡාවට බඳුන් වූ කරුණු සම්බන්ධයෙන් කිසිවක් අනාවරණය නොවීම ද විශේෂත්වයකි.

තානාපතින්ගේ නිල කාලය අවසන් වෙද්දී රටේ නායකයන්ට සමුදීම සම්ප්‍රදායක් වන   හෙයින් ඇමෙරිකානු තානාපතිවරයා ද එම සම්ප්‍රදායට අනුගත වන්නට ඇතැයි කියැවෙයි.