IMG-LOGO

2025 ජුලි මස 05 වන සෙනසුරාදා


ආරච්චිකට්ටුව ප්‍රාදේශීය සභාවේ හිටපු සභාපතිට ඇප

( ජුඩ් සමන්ත සහ ඔගස්ටීන් ප්‍රනාන්දු )
ආරච්චිකට්ටුව ප්‍රාදේශීය සභාවේ හිටපු සභාපති ජගත් සමන්ත පෙරේරා යන අයව රුපියල් ලක්ෂ 10 බැගින් බව පුද්ගලික ඇප දෙකක් මත මුදා හරින ලෙස හලාවත මහාධිකරණ විනිසුරු සංජීව මොරායස් මහතා අද (06) නියෝග 
කළේය.

ආරච්චිකට්ටුව ප්‍රාදේශීය ලේකම්වරයා ලෙස සේවය කරමින් සිටි ධනසේන සූරසිංහ මහතාට 2008 නොවැම්බර් මස 24 වැනිදා හෝ ඊට ආසන්න දිනයකදී කරුක්කුලිය ජයතිලකාරාම විහාරස්ථානය තුළදී පහර දී රාජකාරියට බාධා කළ බවට පුත්තලම දිස්ත්‍රික් පාර්ලිමේන්තු මන්ත්‍රී සනත් නිශාන්ත පෙරේරා සහ ඔහුගේ සහෝදරයෙකු වන ජගත් සමන්ත පෙරේරා යන අයට එරෙහිව නීතිපතිවරයා විසින් හලාවත මහාධිකරණයේ චෝදනා ගොනු  කර තිබිණි.

මෙම නඩුව කැඳවූ අවස්ථාවේදී චූදිතයින් දෙදෙනාව රුපියල් ලක්ෂ 05 බැගින් වන පුද්ගල ඇප  මත මුදා හරින ලෙස හලාවත මහාධිකරණ විනිසුරුවරයා නියම කර තිබිණි.එමෙන්ම සෑම ඉරු දිනකම හලාවත පොලීසිය හමුවේ පෙනී  සිටින ලෙසද චූදිතයින්ට ඇප කොන්දේසියක් පනවා ඇත.

පසුගිය මාර්තු මස 29 වැනිදා මෙම නඩුව කැදවූ අවස්ථාවේදී චූදිතයින් ඇප කොන්දේසි කඩ කර ඇති බවට වූ වාර්තාවක් හලාවත පොලීසිය විසින් මහාධිකරණය වෙත ඉදිරිපත් කරන ලදි.

ඒ 2016 ජූනි මස 17 වැනිදා සිට චූදිතයින් හලාවත පොලීසිය හමුවේ පෙනී නොසිටි බව සදහන් කරමිනි.ඒ අනුව අධිකරණ ඇප කොන්දේසි කඩ කිරීමේ චෝදනාව යටතේ චූදිතයින් දෙදෙනාව රක්ෂිත බන්ධනාගාර ගත කිරීමට නියම කළ හලාවත මහාධිකරණ විනිසුරු සංජීව මොරායස් මහතා නඩුව යළි  කැදවීම මැයි මස 23 වැනිදා දක්වා කල් තැබීය.

මැයි මස 23 වැනිදා මහාධිකරණ විනිසුරුවරයා රෝගී තත්ත්වයෙන් රෝහල් ගත වී සිටින නිසා නඩුව කැදවුණු ලැබුවේ මහාධිකරණ රෙජිස්ටාර්වරයා ඉදිරියේය.එදින නඩුව නැවත කැදවීම ජූනි මස 07 වැනිදා දක්වා කල් තබන 
ලදි.පසුව මෝසමක් ඉදිරිපත් කරමින් චූදිතයින්ට ඇප ඉල්ලා සිටීමට නීතිඥ තරංග දිසානායක මහතා කටයුතු කළේය.

ඒ අනුව පසුගිය 30 වැනිදා චූදිතයින් දෙදෙනාව ඇප මත මුදා හැරීමට හලාවත මහාධිකරණ විනිසුරුවරයා තීරණය කරන ලදි.චූදිතයින්ට ලබා දී තිබූ පෙර ඇප රාජසන්තක කළ මහාධිකරණ විනිසුරුවරයා එම මුදල අධිකරණයේ තැම්පත් කරන ලෙසද නියෝග කළේය.නැවත චූදිතයින්ට ඇප නියම කරන ලද්දේ රුපියල් ලක්ෂ 10 බැගින් වන පුද්ගල ඇප දෙකක් යටතේය.

එහිදී  ඇපකරුවන්ගේ දේපල සම්බන්ධ වාර්තාවක් අධිකරණය වෙත ඉදිරිපත් කරන ලෙසද නියෝග කළේය.

ඒ අනුව 31 වැනිදා නඩුව නැවත කැදවන ලදි.පාර්ලිමේන්තු මන්ත්‍රී මන්ත්‍රී සනත් නිශාන්ත පෙරේරා මහතා වෙනුවෙන් ඉදිරිපත් කර තිබූ ඇප පිළිගත් මහාධිකරණ විනිසුරුවරයා ඔහුව ඇප මත මුදා හැරීමට නියෝග කළේය.
නමුත් හිටපු සභාපති ජගත් සමන්ත පෙරේරා වෙනුවෙන් ඉදිරිපත් කර තිබූ ඇපකරුවන්ගේ දේපල පිළිගත නොහැකි බැවින් ඔහුව නැවතත් මෙම මස 07 වැනිදා දක්වා රක්ෂිත බන්ධනාගාර ගත කරන ලදි.

නමුත්  06 වැනිදා නැවතත් නීතිඥයින් විසින් මෝසමක් මගින් ජගත් සමන්ත පෙරේරා  වෙනුවෙන් පනවා ඇති ඇප සම්බන්ධයෙන් අධිකරණයෙන් ඉල්ලීමක් කරන  කර ඒ අනුව ඇපකරුවන් සම්බන්ධ දේපල පිළිගත හැකි බැව් ප්‍රකාශ කළ  මහාධිකරණ විනිසුරුවරයා ඔහුව ඇප මත මුදා හැරීමට නියෝග කරන කළේය.

චූදිතයින් දෙදෙනාට තරයේ අවවාද කළ මහාධිකරණ විනිසුරුවරයා සෑම ඉරු දිනකම හලාවත පොලීසිය හමුවේ පෙනී සිටින ලෙසද නියෝග කරන කළේය. නීතිඥ තරංග දිසානායක මහතා චූදිතයින් වෙනුවෙන් පෙනී සිටියේය. 



අදහස් (0)

ආරච්චිකට්ටුව ප්‍රාදේශීය සභාවේ හිටපු සභාපතිට ඇප

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 48 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 438 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 875 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site