(සුජිත් හේවාජුලිගේ)

ජනාධිපති උපදේශක තනතුරින් ඉවත්වීමේ ලිපිය මේ සතියේදී ජනාධිපතිවරයාට යවන බව එජාප පත් කළ පාර්ලිමේන්තු මන්ත්‍රී අතුරලියේ රතන හිමියෝ ‘‘ලංකාදීප‘‘ යට පැවැසූහ.

ජනාධිපති උපදේශක තනතුරින් ඉවත්වීමට ගත් තීරණය පිළිබඳව ඉදිරීයේදී ජනාධිපතිවරයා පෞද්ගලිකව මුණගැසී කරුණු පැහැදිලි කර දීමට බලාපොරොත්තු වන බවද උන්වහන්සේ කීහ.

ජනාධිපති උපදේශක තනතුරින් ඉවත්වීමට ගත් තීරණය අතුරලියේ රතන හිමියන් පළමුවරට රටට දැනුම් දුන්නේ කොළඹ විහාරමහාදේවී උද්‍යානයේදී ඉකුත් 28 වැනිදා පස්වරුවේ පැවැති ශ්‍රි ලංකා කාන්තා සංවර්ධන සමුපකාර සමිතියේ 30 වැනි සංවත්සර උත්සවයේදීය.

‘‘මගේ නමට ඉදිරියේ තනතුරක් තියෙනවා.ජනාධිපති උපදේශක කියලා.නමුත් මගෙන් ගත්තු උපදේශයක් නෑ.මට ලැජ්ජයි මගේ නම කියනකොට .ජනාධිපති උපදේශකකමට මින් ඉදිරියට මගේ සම්බන්ධයක් නෑ.‘‘ රතන හිමියෝ එහිදී එසේ පැවැසූහ.