(තුසිත කුමාර ද සිල්වා)

හිටපු  කි‍්‍රකට් නායක තිලකරත්න දිල්ශාන් මහතාගේ පෞද්ගලික ධන පරිත්‍යාගයෙන් අලූත්ගම, දර්ගා නගරයේ පුවක්වත්ත ප‍්‍රදේශයේ ඉදිකරන ලද අංග සම්පුර්ණ නිවස නිවැසියන්ට භාරදිම පසුගියදා සිදු කළේය.
 
බෙන්තර බෝධිමඵව ප්‍රදේශයේ ඉටිරෙදි ආවරණය කරන ලද තාවකාලික නිවසක ජිවත්වු සංචාරක හෝටලයක සුඵ සේවකයෙක් ලෙසින් සේවය කරන දෙදරු පියෙක්වු අමිල දිනේෂ් ප‍්‍රනාන්දු මහතා ඇතුඵ දරු පවුලට  මෙම නිවස පරිත්‍යාග කළේය.
 
 සංචාරක ව්‍යාපාරික හා සමාජ සේවකයෙක්වු පි. ඒ. රත්නසිරි මහතාගේ සමිබන්ධිකරණයෙන් ඉදිකළ මෙම නිවස සදහා රුපියල් ලක්‍ෂ 13 කට අධික මුදලක් වැයවි ඇති අතර නිවසට අවශ්‍ය රුපියල් ලක්‍ෂ හතක් පමණ වටිනා ගෘහඋපකරණ ලබාදිමටත් අවුරුදු 7 ක් සහ එක හමාරක් වයසැති දරු දෙදෙනා හට පාසල් අධ්‍යාපනය නිමවන තෙක් සියලු වියදමි දැරිමටත් තිලකරත්න මහතා මෙහිදි පොරොන්දු විය.
 
 මේ පිළිබඳව  අදහස් දැක්වු නිවාසලාභි අමිල දිනේෂ් ප‍්‍රනාන්දු මහතා: මමත් බිරිද සහ දියණියන් දෙදෙනා ජිවත්වුණේ බෙන්තර බෝධිමඵව ප‍්‍රදේශයේ ඉටිරෙදි ආවරණය කළ  තාවකාලික නිවසක. අපි ඉතා දුක්බර ජිවිතයක් ගතකලා. නිවස ලබාදුන්න දිල්ශාන් මහතාටත් සමිබන්ධිකරණය කල රත්නසිරි මහතාටත් පිං යනුවෙන් පැවසිය.
 
 අදහස් දැක්වු තිලකරත්න දිල්ශාන් මහතා -
 
අසරණ පවුල් වෙත පිහිටවිම තමයි මම බලාපොරොත්තුව කැමති ඕනෑම කෙනෙක්ට 077-7152847 මගින් මම ගෙනියන ව්‍යාපෘතියට සම්බන්ධ වෙන්න පුළුවන් යනුවෙන් පැවසිය.