(වසන්ත චන්ද්‍රපාල)

අම්පාර  දිස්ත්‍රික්කයේ  ආලයඩිවෙම්බු  ප්‍රාදේශිය ලේකම් කොට්ඨාසයේ පිහිටා ඇති පෙරියමුත්තු ආරු කලපුවේ අක්කර හයක පමණ භුමියක් නීති විරෝධි ලෙස අල්ලා ගෙන  පස් පුරවා ගොඩකරන බව ආලයඩිවෙම්බු  ප්‍රාදේශිය සභාවේ සභාපති කේ පෙරිම්බරාජා මහතා පැවසීය.

අක්කරපත්තුව පොතුවිල් මාර්ගය අසල මෙම කලපුව පිහිටා ඇති අතර ලංකාවේ දෙවැනි විශාලතම කලපුව මෙය බවද  සභාපතිවරයා පවසයි.

මෙම කලපුවේ වට ප්‍රමාණය කිලෝමිටර් 33ක්  පැවැති අතර දැනට මෙම කලපුවේ වට ප්‍රමාණය කිලෙමිටර් 21 දක්වා අඩුවි ඇති බවද සභාපතිවරයා පැවසිය.

සමහර පුද්ගලයින් මෙම ඉඩම් වලට නිතිවිරෝධිව බලපත්‍ර හදාගෙන ඇති අතර මේ නිසා කලපුව ගොඩවිමේ අවධානමක් පවතින අතර කලපුව අඩුවිම නිසා ධිවර කර්මාන්තයේ යෙදෙන අයට ජීවත් විමේ අපහසුතාවයට පත්වෙන බවද කීය.

මෙයට අමතරව වැසි දිනවලට අවට ගම්මාන වල නිවාස ජලයෙන් යටවෙන නිසා ප්‍රදේශයේ ජනතාව මහත් අපහසුතාවයට පත්වන බවද සදහන් කළේය.

මේ පිළිබඳව ආලයඩිවෙම්බු ප්‍රාදේශිය ලේකම්වරයාට දැනුම් දි ඇතත් ඔහු  මේ පිළිබඳව නිසි පියවර නොගැනීම නිසා මෙම ඉඩම් අයිතිකරුවන් යැයි කියන පිරිස් නීති විරෝධි අයුරින් දිවා කාලයේ ද කලපුව ගොඩකරමින් සිටී