(රංජන් කස්තුරි)
 
ජනාධිපති මෛත්‍රීපාල සිරිසේන සහ හිටපු ජනාධිපති මහින්ද රාජපක්ෂ යන මහත්වරුන් අතර තමාගේ නිවසෙහිදී කිසිදු සාකච්ඡාවක් නොපැවති බව පාර්ලිමේන්තු මන්ත්‍රී එස්.බී. දිසානායක මහතා නිවේදනයක් නිකුත් කරමින් සඳහන් කරයි.


එම නිවේදනයේ මෙසේද සඳහන් වේ.


වත්මන් ජනාධිපති අතිගරු මෛත්‍රීපාල සිරිසේන මහතා හා හිටපු ජනාධිපති මහින්ද රාජපක්ෂ මහතා අතර මගේ නිවසේ කිසිදු සාකච්ඡාවක් පැවැත්වූයේ නැති බව මම අවධාරණයෙන් ප්‍රකාශ කරමි.


එහෙත් මගේ නිවසේ පැවැත් වූ විශේෂ රාත්‍රී භෝජන සංග්‍රහයකට හිටපු ජනාධිපති මහින්ද රාජපක්ෂ මහතා සහභාගී වූ බව නම් සත්‍යයකි.


එහිදී කිසිදු විශේෂ දේශපාලන සාකච්ඡාවක් සිදු නොවූ අතර එදින සහභාගී වී සිටි අනිකුත් මන්ත්‍රීවරුන් සමඟ හුරුපුරුදු ලෙස රටේ පවතින ආර්ථික අර්බුදය හා අනාරක්ෂිත බව ගැන සාමාන්‍ය කතාබහක් ඇති විය.