( ජයන්ත සමරකෝන්)
අඟුණකොළපැළැස්ස බන්ධනාගාරයේ ආරක්ෂක කටයුතුවල  යෙදන මුවාවෙන් නිතී විරෝධි ක්‍රියාවන්ට සම්බන්ධව කටයුතු කළ බවට සැක කෙරෙන පොලිස් විශේෂ කාර්ය බලකායේ නිලධාරීන් සිව් දෙනකුගේ වැඩ තහනම් කර ඇතැයි  බන්ධනාගාර ප්‍රතිසංස්කරණ ආරංචි මාර්ග කියයි.
 
තවත් බන්ධනාගාර  නිලධාරීන් දෙදෙනකුගේ  වැඩ තහනම් කිරීමට නියමිත බව ද  එහි උසස් නිලධාරියෙක් පැවසීය.
 
 ඉකුත් දා නිරීක්ෂණ මුර කුටියක රාජකාරී කළ  පොලිස් විශේෂ කාර්ය බලකායේ  භටයෙක්  තහනම් ද්‍රව්‍ය හා උපකරණ අඩංගු  පාර්සලයක්  රිමාන්ඩ්  සැකකරුවෙක්ට  ලබා ගැනීම සඳහා  බිම තබා තිබියදී  බන්ධනාගාර නිලධාරියකු විසින් අත්අඩංගුවට ගෙන තිබිණි.
 
එම භටයාගෙන්  කළ ප්‍රශ්න කිරීම්වලදී හෙළි  වු තොරතුරු මත  කලක පටන් බන්ධනාගාර නිලධාරීන් පිරිසක් සිදු කරන  සංවිධානාත්මක  ජාවාරමක සුල මුල හෙළි වී තිබේ. ඒ අනුව  මෙම  පොලිස් විශේෂ කාර්ය බළකා නිලධාරීන්ගේ වැඩ තහනම් කර ඇති අතර  ඒ හා සම්බන්ධ බන්ධානාගාර නිලධාරීන් දෙදනකුගේද  වැඩ තහනම්  කිරීමට  පරීක්ෂණ කෙරෙන බව උසස්  නිලධාරියා සඳහන් කළේය.