ශ්රී ලංකාද්වීපයේ 72 වැනි ජාතික නිදහස් සමරුව පෙබරවාරි 04 වැනි දිනට යෙදී තිබුණි. ඒ වෙනුවෙන් ශ්රී ලංකා රජය විසින් රාජ්ය උත්සවයක් වසරක් පාසා පවත්වන අතර ඊට සමගාමීව විදේශවල ස්ථාපිත කර ඇති රජයේ තානාපති කාර්යාල තුළද සාම්ප්රදායික නිදහස් උත්සව පැවැත් වූ බව ජනමාධ්යවලින් ප්රචාරය විය. නිදහස සැමරීම රාජ්ය උත්සව කටයුත්තක් ලෙස සැලකුවද යම් සංවිධානයක් හෝ පිරිසක් විසින් එය තම පෞද්ගලික වියදමින් කරන අවස්ථා ඉතා විරලය.
එවන් විරල අවස්ථාවකට සහභාගීවීමට ඉතාලියේ මිලානෝ නගරයේ වෙසෙන ශ්රී ලාංකික ජනතාවට පෙබරවාරි 09 වැනි දින ඉඩ හසර විවර වුණි. ඒ සමාජ ක්රියාකාරිකයෙකු වූ නිශාන්ත ජයකොඩි සහ ලාල් ප්රියශාන්ත ප්රමුඛ දේශ හිතෛෂීන් පිරිසක් විසින් 72 වැනි නිදහස් සමරු උත්සවය ඉතාමත් උත්කර්ශවත් ලෙස මිලානෝ පී.මේ. රංගශාලාවේ පැවැත්වීමට කටයුතු කර තිබීම නිසාවෙනි. මෙම අභිමානවත් උත්සවය සඳහා ප්රධාන අනුග්රාහක දායකත්වය ව්යාපාරික ශෙරිල් - කිශල් මහත්ම මහත්මීන් විසින් ලබා දී තිබුණි.
උත්සවය ආරම්භයේදීම ජාතික ගීතය ගායනා කළ අතර ශෙරිල් - කිශල් යුවල අතින් ජාතික ධජය ඉහළට ඔසවන ලදී. ඉතාලියේ ප්රධාන සංඝනායක අති පූජ්ය පණ්ඩිත මහගම විපුලසිරි මහ නා හිමිපාණන් විසින් පැමිණ සිටි පිරිස පංචශීලයේ පිහිට වූ අතර මිලානෝ කිතුණු සංඝයේ දේශාන් ප්රනාන්දු ගරු පියතුමාණන් විසින් කෙටි ආශීර්වාද පූජාවක්ද පැවැත් විය.
ආගමික කටයුතුවලින් පසුව පී.මේ. රංගශාලාවේ වේදිකා හස්තය මත සංස්කෘතික පෙළහර දිග හැරුණි. මෙම සංස්කෘතික අංග සඳහා උඩරට, පහතරට, සබරගමු සම්ප්රදායන්ට අයත් නර්තන විශේෂාංගද, දේශාභිමානී ගී ගායනාද, ද්රවිඩ නර්තනයන්ද එකතු කර තිබුණි. ඒ අතරට පුංචි පුතෙකු විසින් ඉදිරිපත් කළ කථාවද ප්රේක්ෂකයින්ගේ නොමඳ පැසසුමට ලක් විය.
මිලානෝ නගරයේ පවත්වාගෙන යන ජාත්යන්තර පාසල්වල සිසු සිසුවියන් සහ විවිධ කලා ආයතනවල දරු දැරියන් විශාල සංඛ්යාවක් මෙම අවස්ථාවට සහභාගී වී සිටියහ.වේදිකාව මතදී මෙම දරුවන් දැක්වූ දස්කම් දුටු ප්රේක්ෂකාගාරයේ සිටි ජනතාව ශාලාව ගිගුම් දෙන තරමට අත් පොළසන් හඬ නැගූහ. සහභාගී වී සිටි සියළුම දරු දැරියන් වෙත වටිනා සහතික පත්රයක් ප්රදානය කිරීමටද සංවිධායක පිරිස කටයුතු කර තිබීම අගය කළ යුතුය.
මාතෘ භූමියේ අභිමානය වෙනුවෙන් කවදත් පෙරමුණ ගෙන ක්රියා කරන මිලානෝ සහ අවට නගරවල වෙසෙන දේශමාමක ශ්රි ලාංකිකයින් පී.මේ. ශාලාව තුළ අතුරු සිදුරු නැතිව රොද බැඳ සිටියේ තමා උපන් මාතෘ භූමියට ණය නැති බව පසක් කරලීමට බව සිතේ. එම සැබෑ දේශප්රේමී ජනතාවට මෙන්ම මෙවන් උදාර කටයුතු සංවිධානය කරන සමාජ ක්රියාකාරීන්ට මුළු මහත් ජාතියේම ප්රණාමය පුද කළ යුතුය. එම අවස්ථාවේ ඡායාරූප කීපයක් පහතින් දැක්වේ.
සුමිත් අරුණ
ඉතාලියේ මිලානෝ නුවර සිට
ලෝකය, පහත රට ශාන්තිකර්මවල යොදාගන්නා දෙකොන විලක්කුවක් සේ ගිනි ඇවිළෙමින් පවතින අවස්ථාවකි මේ. නැගෙනහිර යුරෝපයේ දෙවසරක් පුරා ඇවිළෙන, විසඳුමක සේයාවක්වත්
කොවිඩ් 19 හෙවත් නව කොරෝනා වෛරසය මේ වනවිට මිනිස් ජීවිත දහස් ගණනකට මරු කැඳවමින් තවත් ලක්ෂ ගණනක් අසාධ්ය තත්ත්වයට පත් කරමින් ලෝකයේ 150 කට අධික රටවලට ව්යාප්ත
ඉතාලියේ කොරෝනා වෛරසය ඇති බව පසුගිය පෙබරවාරි මස විසි වැනිදා හෙළිවීමත් සමගම උතුරු ඉතාලියේ මිලානෝ නගරය මූලික කරගත් ලොම්බාර්දියා ප්රදේශය ඇතුළු උතුරේ ප්
රෝම නගර සභා සීමාවට අයත් ප්රදේශය තුළ නේවාසික විදේශිකයන්ගේ සංඛ්යාව තුන්ලක්ෂ අසූදෙදහස් පන්සීයකි. මෙය රෝමයේ මුළු ජනගහණයෙන් 13.4% ක ප්රතිශතයකි. රෝම නගර සභ
මේ වනවිට ලෝකයේ විවිධ රටවල සමහර ප්රදේශවල පැතිර යන කොරෝනා නොහොත් කෝවිඩ් 19 ලෙස හඳුන්වන මාරාන්තික වෛරසය ප්රංශ පාර්ලිමේන්තුවද ආක්රමණය කොට ඇත්තේය.
මේ වෙනවිට ඉතා ශීඝ්රයෙන් ව්යාප්ත වෙන කොරෝනා වයිරසය මැදපෙරදිග රටවලටත් ව්යාප්තවීමේ අවදානමක් පවතින බව විවිධ මාධ්ය සහ තොරතුරු සනාථ කරයි. චීනය මූලික
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
මිලානෝ නගරයේදී නිදහස් ජය සැමරූ දා