කිවිදා දැක්ම

​හොඳටත් නරකටත් විධායකය

අපේ රටේ ජනශ්‍රැතියේ එන කියමනක් වන්නේ ‘‘හොඳට – නරකට දෙකට කටමය’’ යන එකය. එයින් අදහස් කරන්නේ එකම දෙයක් හොඳ පැත්තටත් නරක පැත්තටත් යොදාගත හැකි බව විය යුතුය.

01 December 2023

ආර්ථික අර්බුදයේ උරුමක්කාරයෝ

ආර්ථික අර්බුදය මගින් තම මූලික අයිතිවාසිකම් කඩ කළ බව කියමින් ශ්‍රේෂ්ඨාධිකරණයේ ගොනුකළ නඩුකර සම්බන්ධයෙන් බෙදුණු තීන්දුවක් පසුගිය සතියේ ප්‍රකාශයට පත්විය. පහත එන්නේ එසේ ලබාදුන් තීන්දු දෙකින් අතිශය විද්‍යාත්මක හා වෘත්තීමය කරුණු මත පදනම්ව ශ්‍රේෂ්ඨාධිකරණ විනිසුරු ප්‍රියන්ත ජයවර්ධන මහතා තම තීන්දුව ලබා දීමට පාදක කරගත් හේතු පිළිබඳ විමර්ශනයකි.

23 November 2023

යුද්ධයේ රස්නය ලංකාවටත්

යුද්ධය සඳහාම අලු‍තින් පිහිට වූ ඊශ්‍රායලයේ ආරක්ෂක ඇමති යෝව් ගැලන්ට් කළ ප්‍රකාශයකින් එරට යුද්ධය පිළිබඳ තිබෙන අධිෂ්ඨානය මොනවට පැහැදිලි වේ. ඔහු කීවේ “යුද්ධයට හා සාමයට කාලයක් තිබෙන බවය. එහෙත් මේ යුද්ධය සඳහා කාලය බව ය”. පසුගිය 9 වැනි දා ඔහු ම නියෝග කළේ ගාසා තීරය සම්පූර්ණයෙන් ම වසා දමන ලෙස ය. ඉන්ධන, ජලය හා විදුලිය යන සියල්ල නවත්වන බව ද ඔහු ප්‍රකාශ කළේ ය.

13 October 2023

රාජ්‍යයේ අත්තිවාරම් දෙදරවන්නෝ

මෙවර “කිවිදා දැක්ම” මා උපයෝගී කරගන්නේ පසුගිය දවස්වල ලංකාවේ මාධ්‍ය වාර්තා කළ ප්‍රධාන සිදුවීම් දෙකක් නිමිති කොටගෙන ලංකාවේ දේශපාලන ආණ්ඩුකරණය පිළිබඳ සාකච්ඡා කිරීමට ය. එම සාකච්ඡාව වැදගත් වන්නේ ඒ මගින් හෙළිදරව් කරගත හැකි දේශපාලන සමාජ ආර්ථික ඇත්ත සමාජයට පාඩමක් උගන්වන නිසා ය. ඉන් එකක් අලි සබ්රි රහීම් සිද්ධිය ය. අනෙක ජනක රත්නායක සිද්ධිය ය.

02 June 2023

රාජ්‍ය සේවය කරටගත් ජනතාව

රටේ දේශපාලන ක්ෂේත්‍රයේ සිදුවීම් ගණනාවක්ම එක විට සිදුවෙමින් තිබෙන බව පැහැදිලිය. එක් පැත්තකින් 2022 වර්ෂයේ සිට පුපුරා යමින් තිබෙන ආර්ථික අර්බුදය අළුයට ගිනි මෙන් විවිධ ක්ෂේත්‍රවල ඇවිළෙමින් යාමය. IMF එකඟතාව හරහා එම ගින්න ජනතාවට පෙනෙන එක මදකට කල් දමන්නට ආණ්ඩුවට හැකි වී ඇත.

26 May 2023

ජනතා දේශපාලන හැසිරීම විමසුමකට

2005 වසරේ නොවැම්බරයේ මහින්ද රාජපක්ෂ මෙරට බලයට පත් වන්නේ අපට වෙනම රටක් හෝ ඊට ආසන්න බල සැකැස්මක් ප්‍රභාකරන්ට ලබා දී හෝ මේ අනවරත මරණ බියෙන් මිදීමට හිත හදාගෙන සිටි කාලයකය. බෙදුම්වාදයේ සැබෑ යුදබිම උතුරු නැගෙනහිර වූව ද, ඒ වන විටත් කොළඹ ඇතුළු දිවයිනේ නන් දෙසට මරණ බිය දියත් කරන්නට එල්ටීටීය සමත්ව සිටියේය. ගාල්ල මාතර පවා බෝම්බ පුපුරා ගියේ ය.

19 May 2023

අයි.එම්.එෆ්. ආර්ථික ප්‍රවණතා

මේ සතියේ රටේ දේශපාලනය උණුසුම් කරන එක් මාතෘකාවක් වන්නේ IMF සංවිධානය සමග ඇතිකර ගත් එකඟතාව කුමන ආකාරයේ එකක් ද යන කාරණයය. මේ සතියේ පාර්ලිමේන්තුවේ ද පැවැත්වෙන ප්‍රධානතම විවාදය වන්නේ ද මේ එකඟතාව පිළිබඳවය.

28 April 2023

ව්‍යවස්ථාදායකයේ අධිකරණයේ බලතල විපරමක්

“කාන්තාව හා පිරිමියා පිළිබඳ මුළු සංකල්පයම ලිංගික අවයව මත පදනම් වූ පරමත්වයක් සහිත එකක් නොවේ” යන්න පසුගිය දා ඉන්දීය ශ්‍රේෂ්ඨාධිකරණයේ අගවිනිසුරු ඩී වයි චන්ද්‍රචූඩ් කළ ප්‍රකාශය මුළු ඉන්දියාව පුරා ලැව් ගින්නක් සේ පැතිර ගියේ ය. අගවිනිසුරුවරයා ඉහත ප්‍රකාශය කළේ තම අධිකරණය හමුවේ විභාගයට ගැනෙන සමරිසි විවාහ පිළිබඳ විවිධ පාර්ශවවලින් ලද පෙත්සම් කීපයකට සවන් දෙමින් සිටින අතරතුරය.

21 April 2023

අභියෝග තුනක් අභියස

එළැඹෙමින් තිබෙන්නේ සිංහල හා හින්දු අලුත් අවුරුදු කාලයයි. 2022 වසරේ මේ කාලය ගත වූයේ මුළු රටම බරපතළ කඩා වැටීමක හිරවෙමින් තිබූ තත්ත්වයකය. ඒ හිරවීම නිමා වූවා යැයි සමහරුන් සිතන්නේ රටේ ජනතාවට අවශ්‍ය මූලික භාණ්ඩ හා සේවා (ඉන්ධන, ගෑස්, විදුලිය වැනි) සාමාන්‍ය මට්ටමින් ලබාගත හැකිවීම නිසාය. විශේෂයෙන්ම රටේ මධ්‍යම පංතිය සිටින්නේ ඒ අයගේ ජීවිත ආරක්ෂා වීමට තරම් තත්ත්වයක් ගොඩ නැගී ඇති නිසා තරමක් ප්‍රීතියෙනි.

07 April 2023

අර්බුදය ඡන්දයට ඈඳීම

පසුගිය 2 වැනි දා අන්තර් විශ්වවිද්‍යාල ශිෂ්‍ය බල මණ්ඩලය විසින් මෙහෙයවන ලද විරෝධතාව මැඩ පැවැත්වීමේ දී පොලීසිය කොළඹ විශ්වවිද්‍යාල භූමියට ඇතුළුවීම ඇතැමුන් විසින් අභියෝගයට ලක් කර තිබුණි. ඔවුන් පවසා සිටින්නේ පොලීසියට විශ්වවිද්‍යාලයට ඇතුළුවීම නීතියෙන් තහනම් බවයි. මෙය මිථ්‍යාවකි.

10 March 2023

අර්බුදය මැද අර්බුදයේ ප්‍රජාතන්ත්‍රවාදය

රටක ප්‍රජාතන්ත්‍රවාදය අර්බුදයට යෑම, ඒවගේම අර්බුදය විසින් ප්‍රජාතන්ත්‍රවාදයට අර්ථ සහ හැඩතල සපයන ආකාරය සහ ප්‍රජාතන්ත්‍රවාදය සහ එහි අවකාශ අර්බුදය විසින් අත්පත් කරගන්නා ආකාරය විමසා බැලීම මෙම ලිපියේ අරමුණ ය. එහි දී ප්‍රමුඛ අවධානය යොමු කරනුයේ, අදහස් ප්‍රතිමාන සහ ඇගයුම් සහිතව ප්‍රජාතන්ත්‍රවාදයෙන් බිඳී ආ නියෝජිතතන්ත්‍රවාදය ප්‍රභුතන්ත්‍රවාදයක් බවට පත්වීම පිළිබඳ දීර්ඝ ඉතිහාසයක් ඇති ලංකාවේ මේ මොහොත වෙත ය.

03 March 2023

උගතුන්ගේ මැද පන්තියේ බොඳවූ ආශා

සමාජ මාධ්‍යවල ඊයේ පෙරේදා හුවමාරු වූ විශ්වවිද්‍යාල ආචාර්යවරුන් කිහිප දෙනකුගේ පඩිපත් කීපයක් ඔස්සේ ලංකාවේ මධ්‍යම පන්තියේ මූල්‍ය භාවිතය හා මූල්‍ය සාක්ෂරතාව පිළිබඳ කදිම සිතුවමක් නිර්මාණය වී තිබුණි. ඔවුන් ඒවා සාමාජ මාධ්‍යවල ප්‍රසිද්ධ කිරීමෙන් අපේක්ෂා කළේ තමන්ගෙන් මෙවර වැටුපෙන් අය කළ නව බදු මුදල් ගැන දැනුවත් කොට ඒ ගැන සමාජ විරෝධයක් හැදීමය.

27 January 2023

ගනුදෙනු රජකරන නියෝජිතවරණ

ගියවර කිවි දා දැක්ම සඳහා මා ලියූ අධි ආරක්‍ෂිත ඒකාධිකාරී ප්‍රජාතන්ත්‍රවාදය’ ලිපියෙහි අරමුණ වූයේ ඉලෙක්ෂන් ගැන නොව ප්‍රජතන්ත්‍රවාදය හෝ නියෝජනවාදය හෝ නියෝජිතතන්ත්‍රවාදය ගැන බරසාර පොදුජන සංවාදයක් සඳහා උත්තේජනයක් ඇති කිරීමය.

14 October 2022

කබලෙන් ළිපට වැටෙයිද?

පසුගිය අප්‍රේල් මාසයේ සිට රට තුළ මතු වූ අර්බුදජනක තත්ත්වය ජූලි මාසයේ 09 දින සිදුවූ කොළඹ වට කිරීමත් සමගින් අලුත් ඉසව්වකට ගමන් කළේය. ප්‍රජාතන්ත්‍රවාදී ආකාරයෙන් ජනාධිපතිධුරයට පත් වී සිටි ගෝඨාභය රාජපක්ෂ මහතාට තමන්ගේ තනතුර අතහැර යන්නට වන තරම් බරපතළ ජනතා නැගිටීමක් ජූලි මාසයේ සිදු විය. ඒ සිදුවීම මගින් රටේ දේශපාලනයේ ඇති වූ වෙනස්කම් කවුරුවත් බලාපොරොත්තු වූ ඒවා නොවේ.

26 August 2022

ජාතික සත්ව අර්බුදය.. දඬූ අපිට.. අපි දඬූට

රට ලස්සන වුණාට කැත රාජ්‍යයක දඬුලේනා අසාදු ලේඛනයට.

19 August 2022

සිදුවූයේ කුමක්ද? කළ යුත්තේ කුමක්ද?

මෙවර කිවිදා දැක්ම ලියන්නේ රටේ විපර්යාස ගණනාවක්ම සිදුවී තිබෙන තත්ත්වයකය. මැයි මස 09 වැනිදා සිට අගෝස්තු මාසයේ 09 වැනිදාට නිමා වූ මාස 03ක කාලය මෙරට දේශපාලනය මුළුමනින්ම උඩු යටිකුරු කළේය. අපේ ජීවිත කාලයටම මෙහෙම තුන්මාසයක් හමුවී තිබුණේ නැත. ඒ නිසාම මෙවර කිවිදා දැක්මෙන් ලියන්නේ සිදුවුනේ කුමක්ද යන කාරණය ගැනය.

13 August 2022

අරගලයේ අස්වැන්න බහුපාක්ෂික ආණ්ඩුවක්ද?

සිස්ටම් චේන්ජයක්, එනම් පද්ධතිමය වෙනසක් සඳහා වූ පොදුජන නැගිටීම හුදු, පටු සහ නොගැඹුරු රාජපක්ෂ විරෝධයක් බවට පත් විය. පද්ධති විරෝධය හුදු පුද්ගල විරෝධයකට හෝ නාම විරෝධයකට කොටු විය. සමාජ මාධ්‍ය භවිතා කරමින් තම තමන්ට හිතෙන සහ දැනෙන අයුරින් තනි පුද්ගල වීරයන්, සමාජ දේශපාලන චින්තකයන් මාධ්‍යවේදීන්, විචාරකයන් සහ පුද්ගලික නායකයන් බවට බොහෝ අය තනි තනියෙන් නාමකරණය කර ගත්තෝය. ඒ සමාජ මාධ්‍යවල අනුහස නිසා ය.

05 August 2022

අසාර්ථක යුග දෙකක පණිවුඩය

මීට මාස කීපයකට පෙර මේ රටේ ආරම්භ වූ දේශපාලන අස්ථාවරත්වය තවමත් තිබෙන්නේ නොවිසඳුණු තැනකය. මේ අස්ථාවරත්වය ආරම්භ වූයේ ආර්ථිකයේ මතු වූ බරපතළ කඩාවැටීමක් නිසාය. ඒ කඩා වැටීමට දීර්ඝකාලීන හේතු ගණනාවක් තිබූ අතර, මෑත කාලයේ සිදුවූ වැරදි තීරණ ගැනීම් ද රාශියක් විය. ඒ හේතු කවරේ දැයි මීට පෙර ලිපිවල සාකච්ඡා කර ඇති නිසා ඒ පිළිබඳව දීර්ඝව ලියන්නට අදහස් නොකරමි.

29 July 2022

බලවාදය පරද්දන්න ජනවාදයක්

නූතනත්වය තුළ ඇරඹි සහ පැවති බොහෝ දෑ පශ්චාත් නූතන අවධිය තුළ අරුම අර්ථ ගනු ලැබීය. එහෙත් ඒවායේ හැඩ නම් නූතන හැඩ ම ය. එහෙත් හැඩ මිස වැඩ සමාන නොවී ය. අද අප ගෙවා දමන කාලය නූතන එකක් නොව පශ්චාත් නූතන එකකි.

22 July 2022

අපි යන්නේ කොයි පාරේ

මෙවර කිවිඳා දැක්ම ලියන්නේ රටේ දේශපාලන තත්ත්වය බරපතළ ආකාරයෙන් වෙනස් වෙමින් තිබෙන අවස්ථාවකය. ආර්ථික අර්බුදයෙන් ආරම්භ වූ මේ අස්ථාවර තත්ත්වය ඉතාමත් විශාල දේශපාලන අරාජිකත්වයක් දක්වා ගමන් කර ඇති බව ඉතාමත් පැහැදිලිය. මේ අර්බුදයේ ගමන් මග පිළිබඳව සාකච්ඡා කරන්නට මේ ලිපියෙන් බලාපොරොත්තු වන්නේ නැත. එහෙත් මෙම අර්බුදය ගමන් කළ හැක්කේ කුමන දිසාවකටද යන කාරණයත් මේ අර්බුදයෙන් ගොඩ ඒමට ගමන් කළ යුත්තේ කුමන දිසාවකටද යන කාරණය සැකෙවින් සාකච්ඡා කරන්නට බලාපොරොත්තු වෙමි.

15 July 2022

අපේක්ෂාවේ කුලුනක් : කරුණාවේ ආදර්ශයක්

මාර්ටින් ලු‍තර් කිං (කනිටු) විසින් 1963 අගෝස්තු මස 28 වැනි දින පවත්වන ලද “I have a Dream” (මට සිහිනයක් තිබේ) නමැති ලෝක ප්‍රසිද්ධ දේශනය මෙම ලිපිය ලිවීමේ දී තීරණාත්මක ලෙස බලපා ඇති බව සඳහන් කරනුයේ, ඔහුට පමණක් නොව, මානව ශිෂ්ටාචාර පද්ධති වෙනස් කිරීමට අහිංසාවාදී නැතහොත් නිර්-ප්‍රචණ්ඩ විධික්‍රම උපයෝගී කරගත් නියමුවන්ට සහ සමාජ ව්‍යාපාරවලට ගෞරව කිරීමේ අදහසිනි.

08 July 2022

අර්බුදයට හත්වැදෑරුම් විසඳුමක්

රට මේ වන විට මුහුණදෙමින් සිටින ආර්ථික අර්බුදය පිළිබඳව නොලියා වෙනත් යමක් පිළිබඳව ලිවිය නොහැකි ගණනකට ඒ අර්බුදය වර්ධනය වී ඇත. ආර්ථික අර්බුදයේම දිගුවක් ලෙසින් මතුවන දේශපාලන ගැටලුකාරීත්වයක් ද මතු වී ඇත. මේ තත්ත්ව දෙක (ආර්ථිකය සහ දේශපාලනය) විසින් රටේ ජන ජීවිතය සම්පූර්ණයෙන්ම විශාල අර්බුද ගණනාවකට තල්ලු කර තිබේ. එම තත්ත්වය ගැටලු සංකීර්ණයක් බවට හැරී ඇතැයි කීම නිවැරිදිය.

02 July 2022

රාජ්‍යය පෞද්ගලික බූදලයක්ද?

පෞද්ගලික හාස්කම්වලින් රාජ්‍යයක් ගොඩනැගිය නොහැක. එසේම වැටුණු රාජ්‍යයක් යළි ගොඩනැගීම ද තනි පුද්ගලයකුට සිදුකළ නොහැක. එහෙත් රාජ්‍යයක් ගොඩ නැගීමේ ව්‍යාපෘතියකට නායකත්වය දීමට තනි පුද්ගලයකුට පුළුවන.

24 June 2022

ජනපති - අගමැති දෙපැත්තටද?

මෙවර කිවිදා දැක්ම ලියන්නට සිදුවී තිබෙන්නේ රටේ ආර්ථික තත්ත්වය තවදුරටත් කඩාවැටෙමින් තිබෙන පසුබිමකය. විශේෂයෙන්ම විදේශ මුල්‍ය සංචිත හිඟවීමෙන් ආරම්භ වූ මේ තත්ත්වය දැන් තිබෙන්නේ ඉතාමත් පීඩාකාරී මට්ටමකය. තෙල් පෝලිම සහ ගෑස් පෝලිම්වලින් පාරවල් පිරී ගොස්ය.

17 June 2022

වෙනසකට වෙනස් මොඩලයක්

‘රෙජීම් චේන්ජ්’ සහ ‘සිස්ටම් චේන්ජ්’ පිළිබඳ සංවාදය සහ ගැටුම අත්විඳිමින් සිටින ශ්‍රී ලාංකීය සමාජයට නව යෝජනාවක් ඉදිරිපත් කිරීම මෙම ලිපියේ අරමුණ වේ. එහි දී රෙජීම් චේන්ජ් යන දෙපද සඳහා තන්ත්‍ර වෙනස් කිරීම යන්නත් සිස්ටම් චේන්ජ් යන දෙපද සඳහා පද්ධති වෙනස් කිරීම යන්නත් යොදා ගැනෙනු ඇත.

11 June 2022

අලුත් විසි එක මොකටද?

රටේ ආර්ථික තත්ත්වය අසීරුම අඩියකට වැටී ඇති බව මේ වන විට කවුරුත් දන්නා කාරණකි. ඒ ආර්ථික බිඳ වැටීම හේතුවෙන් දේශපාලන ක්ෂේත්‍රයේ ඇති වූ වෙනස්කම්ද මේ වන විට හැමෝම දන්නා කරුණුය. පසුගිය මාස 03ක කාලය තුළ ඇතිවූ ආණ්ඩුවේ වෙනස්කම් අනුව දැන් තියෙන්නේ තුන්වෙනි කැබිනට් මණ්ඩලයයි. මාසයකට එක බැගින් කැබිනට් මණ්ඩලය ඉවත් කරන්නට සිදුවෙන තත්ත්වයකට රට පත්වී ඇතිවා සේය.

03 June 2022

අර්බුදය නිර්මාණය කළේ කවුද?

ලංකාව නමැති භූමියේ වෙසෙන හෝමෝ සේපියන් ලා මුහුණ දෙමින් සිටින අර්බුදය බරපතළය. මේ වනවිට මෙම මානව වර්ගයාගේ දෛනික අරමුණු යොමු වී ඇත්තේ හුදු පණනල රැක ගැනීමේ කටයුතු කෙරෙහි පමණක් ය. එය ජාතික සහ වාර්ගික සීමා නොතකමින් පොදු තත්ත්වයක් බවට පත් වී ඇත. වසර හැත්තෑ දහසක පමණ ඉතිහාසයක් ඇති හෝමෝ සේපියන් මානව වර්ගයාගේ ලංකාවේ වෙසෙන කණ්ඩායම ගමන් කරමින් සිටින්නේ ප්‍රාථමිකම අවශ්‍යතා අන් සෑම අවශ්‍යතාවලටම වඩා වැදගත් කොට සලකන මොහොතකය.

27 May 2022

රට හෙල්ලූ කාලකන්නි සතියක්

මෙවර කිවිදා දැක්මෙන් ලියන්නට අදහස් කරන්නේ ගෙවුණ සතියේ දේශපාලනය ගැනය. ඒ කියන්නේ මැයි - 09 සඳුදා ආරම්භ වී මැයි 16 හෙවත් මේ සඳුදා දක්වා දින හතේ සිදුවූ දේශපාලන සිදුවීම් මාලාව පිළිබඳවය. මගේ තේරුම් ගැනීම වන්නේ දවස් 07 තුළ අපේ රටේ වූ සිදුවීම් මාලාව රටේ අනාගතයට බරපතළ බලපෑමක් කරන ඒවා බවය.

19 May 2022