ආන්දෝලනාත්මක මාධ්ය ඝාතන 24
ආන්දෝලනාත්මක මාධ්ය ඝාතන පිළිබඳ තවත් විමර්ශන සිදුවන මෙවැනි මොහොතක සිය මාධ්ය මෙහෙවර නිසාම අකාලයේ ජීවිත පූජා කළ ලෝක පූජිත සහෘදයන් පිළිබඳ ලිපි මාලාවක් ගෙන ඒමට අපි සිතුවෙමු. ඒ 2018 වසරේ පමණක් ලොව පුරා සේවයේ යෙදී සිටි ජනමාධ්යවේදීන් සහ මාධ්ය ක්රියාකාරිකයන් 94 දෙනෙකු මේ වන විටත් ඝාතනයට ලක්ව ඇති බැවින් සෝමාලියානු ජනාධිපති මන්දිරයට පැමිණෙමින් සිටියදී එල්ල වූ ද්විත්ව මෝටර් රථ බෝම්බ ප්රහාරයෙන් මියගිය සෝමාලියානු මාධ්යවේදී අවිල් ඩහිර් සලාද්ද එවැනි සහෘදයෙකි.
''Universal TV'' රූපවාහිනි නාළිකාවේ විකාශය වූ අතිශයෙන් ජනප්රිය ''Dood Wadaag'' නම් දේශපාලන වැඩසටහනේ නිවේදක අවිල්, ඒ වනවිට 45 හැවිරිදි වියේ පසු වූ අතර 2018 වසරේ දෙසැම්බර් මස18 වැනිදා එල්ල වූ මෙම ප්රහාරයෙන් ඔහුගේ සමීප මිතුරෝ කීප දෙනෙක මිය ගියහ. ඒ අතර ඔහුගේ පෞද්ගලික රියදුරු අබ්ඩිකාදර් හසන් යුසුප් ආරක්ෂක නිලධාරී මොහොමඩ් බුබාඩ් ගජොව් සහ ඊබ්රහම් අහ්මඩ්ද අවිල් සමගින් මහී කාන්තාව සිප ගත්තේ තම මාධ්ය සගයා වෙනුවෙන් යුතුකම ඉටු කිරීමට ගොසිනි.
මේ සම්බන්ධයෙන් සෝමාලියානු මාධ්ය එකමුතුව පැවසුවේ මෙහි වගකීම අල් ෂබාඩ් නම් හමුදා කල්ලිය ගත යුතු බවයි. ඒ ඊට පෙර සෝමාලියාවට එල්ල වූ බෝම්බ ප්රහාර රැසකට වගකිවයුත්තේ ද ඔහු බැවිනි. ඒ අනුව අවිල් ඇතුළු 26 දෙනෙකුට මරු කැඳවූ මොගඩිෂු බෝම්බ ප්රහාරයේ වගකීම ද භාර ගත් මෙම කල්ලිය හේතුවෙන් සෝමාලියාව ත්රස්තවාදී ග්රහණයට හසු වූ භයානක රටක් බවට පත් විය. ඒ ගණනය කරන ලද දත්ත අනුව 2017 වසරේදී පමණක් සෝමාලියානු ජීවිත500 ක් මෙම කල්ලිය විසින් උදුරාගෙන ඇත. මේ සම්බන්ධයෙන් සෝමාලියානු රජය ද නිහඬ පිළිවෙතක් අනුගමනය කළේ දිගින් දිගටම මුව හමට පමණත් තඩිබාමිනි. ලියාපදිංචි නොකරන ලද මෝටර් රථයක සිටියදී එල්ල වූ මෙම බෝම්බ ප්රහාරය පළිගැනීමක් නොවන බවට ද උපුටන හුවා දක්වමිනි.
ඒ අනුව ජාත්යන්තර මාධ්යයට පෙනෙන්නට අල් ෂඩාබ් කල්ලියට දොස් නැගූ ඔවුන් තම ආරක්ෂක අංශවල නිරුවත ජාත්යන්තරයට හෙළිදරව් කළේ ජනමාධ්යය නිදහස් කුමක්ද යන්න මනාව ඔප්පු කරමිනි. සෝමාලියානු ආරක්ෂක අංශ පිළිබඳවද සැක උපදවමිනි. ඒ මෙම ප්රහාරයට හඳුනා නොගත් සෝමාලියානු ආරක්ෂක බුද්ධි අංශ නිලධාරීන් දෙදෙනෙකුගේ ද සබඳතාවක් ඇති බව දින හතරකට පසුව හෙළිදරව්වීමත් සමගිනි.
වගකීම භාර ගත් අල් -ෂඩාබ් හමුදා කල්ලිය
බෝම්බ ප්රහාරයෙන් විනාශ වූ මෝටර් රථය
මේ සම්බන්ධයෙන් තව තවත් සැක උපදවූයේ මේ පිළිබඳ වැඩිදුර තොරතුරු දැන ගැනීම සඳහා සෝමාලියානු තොරතුරු අමාත්යාංශයේ අධ්යක්ෂ ජනරාල් අබ්ඩිරාමන් යුසුෆ් අල්අඩාලා සම්බන්ධ කර ගැනීමට උත්සාහ දරුව ද ඔහු එය දිගින් දිගටම මඟහැරීම හේතුවෙනි. ඊමේල් පණිවිඩවලට ප්රතිචාර නොදැක්වූ අධ්යක්ෂ ජනරාල් යුසුෆ් අල් අඩාලා ජනමාධ්යවේදීන්ගේ දුරකථන ඇමතුම්වලට ද පිළිතුරු නොදුන් අතර සෝමාලියානු පොලිස් කොමසාරිස් බෂීර් අබ්ඩි මොහොමඩ් ද එලෙසම හැසිරුණේ මාධ්යයෙන් වසන් වෙමිනි.
කෙසේ වෙතත් අසූව දශකයේ සිට ජනමාධ්යකරයේ යෙදුණු අවිල්, මොගඩිෂු ප්රදේශීය ගුවන් විදුලිය හරහා මාධ්ය ජීවිතය අරඹා 2005 වසරේ සිට ''Universal TV'' නොයෙකුත් අංශ වලින් සිය පරාසය පුළුල් කළේ ලේඛකයෙකු ලෙස ද සිය නොමැකෙන මතක සටහන් මතු අනාගතයට ද ඉතිරි කරමිනි.
මාලන් විදානපතිරණ
ඡායාරූප අන්තර්ජාලයෙනි
මියගිය පියාගේ සිරුර අවසන් කටයුතු සඳහා මරණ සහතිකය ගැනීමට ගිය මියගිය අයගේ පුතා ගමන් ගත් යතුරුපැදිය බුලත්සිංහල පහළ නාරගලදී විදුලි කණුවක ගැටී සිදුවූ අනත
මිනිසා බැබළිය යුත්තේ තම ජීවන ඇත්දැකීම් තුළින්. ඒ දැනුම කිසිම උගත්කමට දෙවැනි වෙන්නේ නෑ. මිනිසා බුදධිමතකු හෝ දේශපාලනයකු වන්නේ ගිරවකු වගේ ජනතාව ඇමතීමෙන්
එක් යුගයකදී ලංකාවේ සියලුම කටයුතු තීරණය කෙරුණේ ප්රභාකරන් නම් වූ ත්රස්තවාදියාගේ න්යාය පත්රයට අනුවය. මහා මැතිවරණය හෝ ජනාධිපතිවරණය පැවැත්වීම හෝ එවැ
එක් යුගයකදී ලංකාවේ සියලුම කටයුතු තීරණය කෙරුණේ ප්රභාකරන් නම් වූ ත්රස්තවාදියාගේ න්යාය පත්රයට අනුවය. මහා මැතිවරණය හෝ ජනාධිපතිවරණය පැවැත්වීම හෝ එවැ
කාන්තා දින කොතරම් පසු වුවද ගැහැණු කවදත් අසරණ යැයි නැගෙනා අඳෝනාවල නම් අඩුවක් නොමැත. එහෙත් තම දෛවයට අභියෝග කළ, ඉරණම උරුම කර නොගත් ගැහැණු ද නැත්තේම නොවේ. රට
රාජ්ය පාලනය, අධිකරණය, ආර්ථික සංවර්ධනය හා මහජන සුබසාධනය සම්බන්ධයෙන් කතිකාවක යෙදෙන විට අප සිහියට නැගෙන පරමාදර්ශී නායකයෝ ගණනාවක් සිටිති. මේ අතින් අපට ස
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
සෝමාලියාවේ දේශපාලනය ගිනියම් කළ මාධ්ය සගයාගේ අබිරහස් මරණය