IMG-LOGO

2025 මැයි මස 03 වන සෙනසුරාදා


සමෘද්ධි චෝදනාවෙන් මතුවන යථාර්ථය

සමෘද්ධි සහනාධාර ලබාදීම ආරම්භවී වසර 15ක් ගතවී ඇතත් සමෘද්ධි සහනාධාර ලබාගෙන හොඳ ආර්ථික මට්ටමකට පැමිණ සමෘද්ධිය අතහැර දැමූ පිරිස කොපමණදැයි ගණන් බලා නැතැයි ද එය එසේවී ඇත්තේ සමෘද්ධි සංවර්ධන නිලධාරීන් එම කටයුතු පසෙක තබා දේශපාලනය කිරීම නිසා යැයි ද ප්‍රාථමික කර්මාන්ත හා සමාජ සවිබල ගැන්වීම් අමාත්‍ය දයා ගමගේ මහතා ප්‍රකාශ කළ බව සඳහන් ප්‍රවෘත්තියක් අප පුවත්පත ඉකුත්දා වාර්තා කළේය. 

රටේ සංවර්ධන ක්‍රියාදාමයේ විද්‍යාත්මක ස්වරූපය සම්බන්ධයෙන් හා එහි ප්‍රායෝගික බව සම්බන්ධයෙන් කිසියම් ඉඟියක් ඇමැතිවරයාගේ ප්‍රකාශයෙන් අනාවරණය වේ. 

ඉකුත් සතියේ දිනක නව සමෘද්ධිලාභීන් ලක්ෂ පහකට සමෘද්ධි සහනාධාරය ප්‍රදානය කිරීමේ ජාතික මහෝත්සවයක් උත්කර්ෂවත් ලෙස පැවැත්විණි. එහෙත් සමෘද්ධි වැඩසටහන විද්‍යාත්මක හා ප්‍රායෝගික වැඩපිළිවෙළක් වූයේ නම් ජාතික මහෝත්සවය පැවැත්විය යුතුව තිබුණේ සමෘද්ධිලාභීන් ලක්ෂ පහකින් අඩුවීම සම්බන්ධයෙනි. එහෙත් අප රට තුළ එවැන්නක් සිදු නොවන අතර ඒ වෙනුවට සිදුවන්නේ සමෘද්ධිලාභීන් ගණන ලක්ෂ ගණනින් ඉහළ යාමය. 

සමෘද්ධි දීමනාවේ අරමුණ විය යුත්තේ නැති බැරි ජනයාට මාසයක් ජීවත්වීමට කිසියම් දීමනාවක් දීම නොවේ. එම ජනයාට තමන්ට අදාළ ආර්ථික මාර්ගයක් සකස් කර ගැනීමට රුකුල් දීමය. සමෘද්ධිලාභී ජනයා ඒ වෙනුවෙන් දිරිමත් කළ යුතුය. ඔවුන්ට ඒ සඳහා මඟ පෙන්විය යුතුය. සමෘද්ධි සංවර්ධන නිලධාරීන් යනුවෙන් විශේෂිත නිලධාරීන් පිරිසක් පත්කර තිබෙන්නේ ද ඒ වෙනුවෙනි. එහෙත් දයා ගමගේ ඇමැතිවරයා පවසන්නේ සමෘද්ධි සංවර්ධන නිලධාරීන් එම රාජකාරිය ඉටු නොකර දේශපාලනය කරන බව ය. 

සමෘද්ධි ව්‍යාපාරය වත්මනෙහි බාර ඇමැතිවරයා සමෘද්ධි ව්‍යාපාරයෙහි ඇති තතු ඇති ආකාරයෙන් තේරුම් ගැනීම වැදගත් ය. එසේ තේරුම් ගත් බව ප්‍රකාශ කිරීමෙන් පැහැදිලි වන්නේ වත්මන් පාලනාධිකාරිය තුළ පෙර වැරැදි සිදු නොවනු ඇති බවය. එය එසේ වන්නේ නම් ඉතා වැදගත් ය. එහෙත් අප රටේ දේශපාලනය ‘කතාව දෝලාවෙන් ගමන පයින්’ ලෙස ය. රටට හිමිවිය යුතු ජයග්‍රහණ අහිමි වන්නේ එහෙයිනි. 

දයා ගමගේ ඇමැතිවරයා තවත් වැදගත් ප්‍රකාශයක් කර තිබිණි. එම ප්‍රකාශය නම් ඡන්දය නොදුන්නොත් සමෘද්ධිය කපාහරින බවට සමෘද්ධි නිලධාරීන් තර්ජනය කළ අවස්ථා ඇතැයි යන්න ය. මෙරට ඇතැම් දේශපාලනඥයන්ට ‘ඡන්ද මැෂිම’ ආදී නම් පටබැඳුණේ ද මෙම සමෘද්ධි ව්‍යාපාරය නිසා බව සිහිකටයුතු ය. ඡන්දය දී හෝ සමෘද්ධි සහනාධාරය ලබාගත යුතු යැයි දිළිඳුකම නිසා ම අභිමානය අහිමි කරගත් ඇතැම් ජනයාට සිතෙන්නට ඉඩ තිබේ. 

මෙම පරාධීනත්වයේ අඝාත අඳුරට සමෘද්ධිලාභියා පත් කළෝ කවරහු ද? දයා ගමගේ ඇමැතිවරයා නම් ප්‍රකාශ කරනුයේ ඒ සමෘද්ධි නිලධාරීන් ම බව ය. දේශපාලන අධිකාරියේ බලයට යටත් වී එම නිලධාරීන් එසේ කටයුතු කර ඇත. එය එක් අතකින් රාජ්‍ය සේවයේ ව්‍යස්ථාපිත නීති උල්ලංඝනය කිරීමකි. 

රාජ්‍ය සේවය යනු තම බත් බැලයන්ට රස්සා දීමට ඇති තැනකැයි ඇතැම් බඩගෝස්තරවාදී ඇමැතිවරු සිතති. එසේ සිතා කටයුතු කරති. එසේ රජයේ සේවයට බඳවා ගන්නා බත්බැලයෝ  රාජකාරියෙන් ඉවත් කර තමන්ගේ ආවතේව කටයුතු  සඳහා යොදා ගනිති. තම නිවෙස්වල මෙහෙකාර සේවයේ යොදවති. නැතහොත් තමන්ගේ දේශපාලන ව්‍යාපාරවල යොදවති. පක්ෂ කාර්යාලයේ කටයුතු සඳහා එක්කර ගනිති. එහෙත් ඔවුන් වැටුප් ලබන්නේ රජයෙනි. 

රාජපක්ෂ පාලනයේ බොහෝ මැති ඇමැතිවරුන්ට මෙම චෝදනාව බහුලව නැඟුණි. ඇතැම් චෝදනා සාක්ෂි සාධක සහිතව ද ඉදිරිපත් කෙරිණි. මෙය රාජ්‍ය මුදල් අවභාවිත කිරීමකි. යහපාලනය යන්නෙන්  අර්ථ දැක්වුණේ ද මෙබඳු අවකල් ක්‍රියාවලින් තොර පිරිසිදු රාජ්‍ය පාලනයකි. සැබැවින්ම අවශ්‍ය වන්නේ ද එබඳු යහපත් රාජ්‍ය පාලනයකි. 

ඇතැම් ව්‍යාපෘති දේශපාලන අරමුණු වෙනුවෙන්ම හඳුන්වා දෙන බව ද නොරහසකි. එම ව්‍යාපෘතිය මෙහෙයවන්නන් මෙන්ම එහි ප්‍රතිලාභීන් ද එම දේශපාලන අරමුණේ පංගුකාරයන් බවට පත්කර ගැනීම එහි එක් ලක්ෂණයකි. සමෘද්ධි ව්‍යාපාරය හැඳින්වෙන්නේ ද එවැනි ව්‍යාපාරයක් ලෙස ය. සමෘද්ධි නිලධාරීන් බඳවා ගනු ලබන්නේ ද දේශපාලන පදනමින් බවට චෝදනාවකි. එවිට ඔහුගේ කාර්යභාරය වනුයේ තම දේශපාලන හාම්පුතාගේ සිතැඟි අනුව එම කටයුතු මෙහෙයවීමයි. අසරණ දිළිඳු ජනයාට එහි පහසු ගොදුරු බවට පත්වීමට සිදුවේ. 

සමෘද්ධි ව්‍යාපාරය අපේක්ෂිත අරමුණු මුදුන් පමුණුවා ගැනීමට අසමත්වී තිබෙන්නේ එහෙයිනි. දිළිඳු ජනයා නඟා සිටුවීම වෙනුවට ඔවුන්ගේ ඡන්දය ලබාගැනීමේ මෙහෙයුම් යාන්ත්‍රණයක් බවට සමෘද්ධි ව්‍යාපාරය පත්ව තිබේ. එම සැහැසි ග්‍රහණයෙන් සමෘද්ධි ව්‍යාපාරය මුදා ගැනීමේ අනගිතම අවස්ථාවක් දැන් උදාවී තිබේ. එය සිදුවන්නේදැයි ජනතාව අවදියෙන් පසු විය යුතු ය.  

 



අදහස් (1)

සමෘද්ධි චෝදනාවෙන් මතුවන යථාර්ථය

shan Wednesday, 12 June 2019 07:04 AM

ශ්‍රී ලංකාව යනු කෘෂිකර්මාන්තය මත පදනම් වූ හා බෝග වගාවන් හා ධීවර කර්මාන්තය , රටේ ආවේනික හස්ත කර්මාන්ත වැනි දේ තුලින් ජීවිත ගමන සරු කරගත් ජන කොට්ටාශයක් ජීවත් වූ රටකි. නමුත් 1977 පෙර රටේ නිර්මාණය වෙමින් තිබු කෘෂි ආර්ථිකය මෙන්ම සිවිල් වැසියන් තමන්ගේ අවශ්‍යතා සදහා කරගන ආ අදායම් මාර්ග සියල්ල උඩු යටිකුරු කරමින් 1978 නව ආණ්ඩුක්‍රම ගොඩ නැගීම තුලින් රටේ තිබු ආර්ථික පිළිවෙත් වෙනස් කරමින් විවුර්ත ආර්ථික ප්‍රතිපත්තියක් හදුන්වා දීම සිදුවිය එමගින් රටේ නිෂ්පාදන නතරවී ආනයනික භාණ්ඩ වෙළදපොල අරක් ගැනීම සිදු විය එනිසා එදා ගොඩනැගුනු කෘෂි කර්මාන්තය සහ මුලින්ම කඩා වැටී පිටරටින් ආනයනය කරන අහාර වේලට ජනතාව පෙලබ්වීය.

:       0       0

ඔබේ අදහස් එවන්න

 

 
 

විශේෂාංග

කී දේ වෙනුවට නොකී දේ වරනැගීම
2025 මැයි මස 02 380 0

පළාත් පාලන මැතිවරණය පැවැත්වීමට ඇත්තේ තව දින හතරකි. වසර 03කට ආසන්න කාලයක් තිස්සේ කල් දමමින් තිබූ ප්‍රාදේශීය සභා, නගර සභා ඡන්දය පවත්වන්නට තීරණය කිරීම ඉතාම


බණ්ඩා - චෙල්වා ගිවිසුම අත්සන් කළේ ඇයි?
2025 මැයි මස 01 338 1

ගෞරවනීය දෙමළ දේශපාලන නායකයකු වන සැමුවෙල් ජේම්ස් වේලුපිල්ලේ (එස්.ජේ.වී.) චෙල්වනායගම්ගේ 48 වැනි අනුස්මරණ සංවත්සරය අප්‍රේල් 28 වැනිදාට යෙදී තිබුණි. එස්.ජේ.වී


ප්‍රේමදාස සංවර්ධන මොඩලය
2025 මැයි මස 01 266 3

හිටපු ජනාධිපති රණසිංහ ප්‍රේමදාස මහතාගේ වියෝවින් වසර 32ක් අද වනවිට ගෙවී ගොස් තිබේ. 1993 මැයි මස 01 වැනි දින එතුමන් එල්ල කරමින් සිදුවූ ත්‍රස්ත ප්‍රහාරය තවමත්


නුවර මොකද වුණේ?
2025 මැයි මස 01 1300 1

වසර 16කට පසුව පැවැති දළදා වන්දනාව මහ ජනතාවට දළදා වහන්සේ වැඳ පුදා ගැනීමට ලැබෙන දුර්ලභ අවස්ථාවකි. අවසන් වරට දළදා ප්‍රදර්ශනයක් පැවතියේ 2009 වසරේදීය. ඒ යුද්ධ ස


කම්කරු පන්තියේ අර්බුදය
2025 මැයි මස 01 64 0

මැයි මස පළමුවැනිදා කම්කරු දිනය වශයෙන් වසර ගණනාවක සිට මේ දක්වා සම්මතව පවතී. 1886 දී ඇමෙරිකාවේ චිකාගෝ නුවර දී මැයි අරගලය ආරම්භ වූයේ කම්කරුවන් පැය 8ක වැඩ කිරී


ඉන්දු - පාකිස්තාන යුද ගැටුම
2025 අප්‍රේල් මස 30 645 0

ඓතිහාසික ආරවුල් සහ කාශ්මීරයේ මෑතකාලීන ඛේදජනක සිදුවීම් හේතුවෙන් ඉන්දියාව සහ පාකිස්තානය අතර වර්ධනය වන ආතතීන් දකුණු ආසියාව පමණක් නොව පුළුල් ගෝලීය පිළි


මේවාටත් කැමතිවනු ඇති

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 540 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 141 0
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 1163 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

Our Group Site