රුපියල් දහතුන් දහසක විදුලිය බිල ගෙවා ගැනීමට නොහැකිව නිවෙසේ විදුලිය විසන්ධි කිරීම හේතුවෙන් පුතාට හා දියණියට පාඩම් කිරීමට අසල්වැසි නිවෙසකින් විදුලිය රැහැනක් ඇද ගැනීමට උත්සාහ කළ බව කියන දෙදරු පියකු විදුලිය සැර වැදීමෙන් මියගොස් ඇතැයි පුපුරැස්ස පොලිසිය පවසන බව සඳහන් පුවතක් අප පුවත්පත ඉකුත්දා වාර්තා කළේය. මෙසේ මියගොස් ඇත්තේ ගලහ පුපුරැස්ස ලෙවලන් වත්තේ කෝල්ග්රීන් ප්රදේශයේ පදිංචිව සිටි අල්ගන් ගනේෂන් නැමති 38 හැවිරිදි දෙදරු පියකු බවද එම ප්රවෘත්තියේ වැඩිදුරටත් සඳහන්ය.
දුප්පත්කම කෙතරම් නපුරුදැයි තේරුම් ගැනීමට මීටත් වඩා උදාහරණ ඇවැසි නැත. මෙරට සාතිශය බහුතරයක් ජනයාට ආර්ථික අර්බුදය නැමැති යක්ෂයා සමග පොර බැදීමට සිදුව ඇති අතර අවසන් ප්රතිඵලය වී තිබෙන්නේ එම යක්ෂයා හමුවේ ජීවිතයෙන් වන්දි ගෙවීමටය.
‘දුප්පත්වී ඉපදීම අපගේ වරදක් නොවුවද අප මිය යන්නෙත් දුප්පතකුම ලෙස නම් එය අපගේ වරදකි’ යන්න ප්රසිද්ධ කියමනකි. කතාව සත්යයකි. දුප්පත්කම තුරන් කිරීමට නම් ඒ සඳහා අවස්ථා තිබිය යුතුය. එහෙත් වර්තමානයේ සිදුවී තිබෙන්නේ එම අවස්ථා ඇහිරි තිබීමය. සමාජයේ විශාල පිරිසකගේ ආදායම් මාර්ග මුළුමනින්ම වාගේ ඇහිරී ඇත. තවත් විශාල පිරිසකගේ ආදායම් මාර්ගවල වර්ධනයක් නැත. ඒ කොවිඩ් මාරක වසංගතය සමය ඇරැඹු යුගයත් සමගය. එහෙත් ආදායම් අහිමි වුවද ආදායම් වර්ධනය නොවුවද වියදම් හත් අට ගුණයකින් වැඩිවී ඇත. මෙම පරිසරය තුළ සාමාන්ය ජනයා කල දවස ගෙවා දමන්නේ කෙසේ දැයි සොයා බැලීමට ද අයකු නැත.
මුදල් අමාත්යාංශයේ නිලධාරීන් ජනාධිපතිවරයාට වැරැදි තොරතුරු ලබාදීම නිසා ජනතාවට සහන සැලසීමට නොහැකි වී ඇති බව රජයේ පාර්ශ්වයෙන්ම කියැවේ. ජනතාවගේ ජීවිතත් සමග සෙල්ලම් කරන හෘද සාක්ෂිය නැති වගකීම් විරහිත නිලධාරීන්ට ලැබෙන දඬුවම් මොනවාද යන්න සම්බන්ධයෙන් ජනතාව දැඩි විමසිල්ලෙන් සිටිය යුතුය. මන්දයත් ජනයා මෙතරම් නරාදුක් විඳින්නේ ඔවුන් කළ වැරැදි නොවන නිසා බව ඒකාන්ත සත්යයක් වන නිසාය.
සිය පුතුට හා දියණියට පාඩම් කිරීමට අසල්වැසි නිවෙසකින් විදුලි රැහැනක් ඇද ගැනීමට උත්සාහ කළ බව කියන දෙදරු පියාගේ බිරිඳ එනම් දරු දෙදෙනාගේ අම්මා ආර්ථික දුෂ්කරතා හේතුවෙන් විදේශ ගෘහ සේවයට මීට සති තුනකට පමණ පෙර ගොස් ඇතැයි ද ඇය ගුවන් තොටුපොළට ඇරළවා ඥාති නිවෙසක දරු දෙදෙනාද සමග නැවතී පෙරළා සිය නිවෙසට පැමිණි අවස්ථාවේ දී පියා එම අවාසනාවන්ත ඉරණමට ගොදුරු වී ඇතැයි ද අප ප්රවෘත්තියේ සඳහන්ය.
විදුලිය පරිභෝජනය කළේ නම් එයට ගෙවිය යුතු මිල ගෙවිය යුතුය. එම මිල නොගෙවන්නේ නම් ඊළඟ පියවර විදුලිය විසන්ධි කිරීමය. මෙහිදී අවධානය යොමු කළ යුතු කාරණාවක් තිබේ. එනම් විදුලිය බිල සාධාරණ ද යන්නය. ජනයාගේ මිලදී ගැනීමේ හැකියාව මොට්ට කර තිබියදී රාජ්ය ආදායම ඉහළ නංවන හැඟීම පිණිස මිල ඉහළ නැංවීම සාධාරණ නැත. එසේ යැයි කියා අනවසරයෙන් විදුලිය ගැනීම ද බරපතළ වරදකි. එය වරදක් බව නොදත් අයකු සිටිය නොහැක. එහෙත් නිර්මාණය වී ඇති ශාපලත් පරිසරය තුළ දැන දැන වැරැදි කිරීමට යමකු පෙළඹීමේ ස්වභාවයක්ද ඇතිවේ.
‘නීතිය යනු ශීලයක් නොවේ’ යන්න බොහෝ දෙනකුගේ පිළිගැනීමට ලක් වූ කියමනකි. ශීලය, දිවි හිමියෙන් රැකිය යුතුය. නීතිය දෙස මනුෂ්යත්වයෙන්ද සානුකම්පිතවද බැලිය යුතුය. කෙවිට අතට ගෙන වැඩ කඩුලු පනින නිලධාරීන් මේ සම්බන්ධයෙන් අවධානය යොමු කරන්නේ නම් එය ඉතා වැදගත් වනු ඇත.
(***)
ජනතා විමුක්ති පෙරමුණේ නායකයෝ 1971 කැරැල්ලෙන් පසු සිරගතව සිට 1977 දී යළි නිදහස ලැබූ පසු වෙනස්ම ආකාරයේ දේශපාලන වැඩ පිළිවෙළක් ඉදිරිපත් කළහ.
පාස්කු ඉරුදින ප්රහාරය පිළිබඳ තවත් පාර්ලිමේන්තු විවාදයක් පසුගිය දින තුනක් තිස්සේ පැවැත්විණි. සමගි ජනබලවේගය මගින් ඉදිරිපත් කරනු ලැබූ යෝජනාවක් අනුව ප
උමා ඔය ව්යාපෘතිය විවෘත කිරීමට නියමිත ව තිබුණේ 2015 දී ය. එහෙත් එය සැබැවින්ම විවෘත කළේ පෙරේදා ය. එනම් විවෘත කිරීමට නියමිත වසරට වඩා වසර 9කට පසු ය. කෙනෙක් ලංකාව
“වළක වැටීම මොළයට ලාභයක්” යැයි කියවුණ ද අපේ බොහෝ දේශපාලනඥයන්ට එය වලංගු නොවන සෙයකි. හැට නව ලක්ෂයක ජනතාවකගේ වරමින් අනුහස් සහිත විධායක ජනාධිපති පුටුවේ වා
එළැඹෙන ජනාධිපතිවරණය සඳහා උතුරු-නැගෙනහිර දෙමළ ජනතාව වෙනුවෙන් හින්දු ආගමික ජනාධිපති අපේක්ෂකයකු ඉදිරිපත් කළ යුතු යැයි උතුරේ හින්දු මූලධර්මවාදී කල්ලිය
අය වැයෙන් ඉලක්ක කළ ආදායම අඛණ්ඩව තිස් තුන් වැනි වතාවටත් අහිමි වී ඇති බවට මේ දිනවල වාර්තා වෙමින් තිබේ. මෙයින් පෙනෙන්නේ මේ අර්බුදය අද ඊයේ ඇති වූවක් නොවන බව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
විදුලිය විසන්ධි කිරීමට නීතිය අකුරටම ක්රියාත්මක කළ යුතුද?
Nimal Saturday, 17 February 2024 11:28 AM
ජනතාවට දරාගත නොහැකි මට්ටමට අසාධාරණ ලෙස විදුලි ගාස්තු ඉහළ නැංවූ කාලකණ්ණි ඇමැතින්ට සහ නිලධාරින්ට වැහි නැති හෙණම ගහන්න ඕනේ...