IMG-LOGO

දුම්රිය මාර්ගවල අනතුරු වළක්වන විධිමත් ක්‍රමවේදයක් ඕනෑ

තවත් දුම්රිය අනතුරක් ඉකුත්දා වාර්තා විය. මෙහි ‘තවත්’ යනුවෙන් සඳහන් කරනු ලැබුවේ අතීතයේදී ඉතා කලාතුරකින් වාර්තා වුවද දුම්රිය අනතුරු වර්තමානය වන විට ඉතා සුලභ වී ඇති හෙයිනි. මෙවර අනතුර වාර්තා වූයේ මීරිගම, විල්වත්ත දුම්රිය හරස් මාර්ගයේදීය.

පොහොර පැටවූ කන්ටේනර් රථයක් මීරිගම – විල්වත්ත දුම්රිය හරස් මාර්ගයේදී පොල්ගහවෙල සිට රත්මලාන බලා ධාවනය වෙමින් තිබූ කාර්යාල දුම්රියක ගැටී කන්ටේනර් රථය පොඩි පට්ටම් වී විනාශ වී ගිය බවත් එහි රියැදුරු ජීවිතය බේරාගෙන ඇති බවත් අප පුවත්පත වාර්තා කළේය. දුම්රිය මගීන් කිහිප දෙනකු විවිධ ආබාධවලට ලක්ව රෝහලින් බාහිර ප්‍රතිකාර ලබා ඇති බව ද එම ප්‍රවෘත්තියේ සඳහන්ය.

මෙම අනතුර එක් අතකින් විශේෂිතය. එප්පාවල සිට පොහොර පටවාගෙන පැමිණි කන්ටේනරය අතරමගදී යාන්ත්‍රික දෝෂයකට ලක් වී තිබේ. විනාඩි 30 ක පමණ කාලයක් එම කන්ටේනරය දුම්රිය හරස් මාර්ගය අසල නවත්වා තිබී ඇත. දුම්රිය ගේට්ටුවේ ක්‍රියාකරුට ද දන්වා දුම්රිය ගමන් අඩු අවස්ථාවේ රියැදුරා කන්ටේනර් රිය දුම්රිය මාර්ගයට ඇතුළු කර ඇත. මීරිගම දෙසින් ආ තවත් කන්ටේනර් රථයක් හේතුවෙන් ඉදිරි මග හරස් වූ අවස්ථාවේ අනතුරට පත් වූ කන්ටේනර් රථය පසුපසට ධාවනය කර ඇත. එහිදී එහි එන්ජිම ක්‍රියාවිරහිත වී තිබේ. ඒ සමගම දුම්රිය මාර්ගයේ සංඥා ක්‍රියාත්මක වී ඇති අතර ගේට්ටුවේ ක්‍රියාකරු අනතුරුදායක බව දැන්වීමට ඉදිරියට දුවගොස් ඇතත් වේගයෙන් ආ ශීඝ්‍රගාමී දුම්රිය කන්ටේනර් රථයේ ගැටී තිබේ.

‘ගින්දරත් සමග සෙල්ලම් එපා’ යැයි කියා ඇති පරිදිම දුම්රිය හරස් මාර්ගවල සෙල්ලම් එපා යනුවෙන් පැවසීමට සිදුවී තිබේ. බොහෝ දුම්රිය අනතුරුවලට හේතුව අනාරක්ෂිතව දුම්රිය හරස් මාර්ග තරණය බව ඉතා පැහැදිළිය. මෙම අවස්ථාවේදීත්  ‘මොළේ ඇති එක් අයකු හෝ සිටියේ නම්’ මෙම අනතුර වළක්වා ගත හැකිව තිබිණි යන්න සත්‍යයට වඩාත් සමීපය.

එකල මෙතරම් පහසුකම් නොවීය. ජංගම දුරකතන නොතිබිණි. හරස් මාර්ග බොහෝමයකට දමා තිබුණේ උණ බම්බුවකි. සෑම හරස් මාර්ගයකටම රැකවලෙකු සිටියේ ද නැත. එහෙත් මෙතරම් අනතුරු වාර්තා වූයේ නැත.

‘අවදානමට වඩා සූදානම හොඳ’ යැයි පැරැණි සමාජය සිතුවේය. එහෙත් ස්මාර්ට් යුගයේදී ඒ සියල්ල කණපිට හැරී ඇත. මෙම යුගයේදී අවදානම යනු ගණන් නොගන්නා දෙයක් බවට පත්ව තිබේ. නොඑසේ නම් දුම්රිය මාර්ගය අතිශයින්ම කාර්ය බහුල මොහොතකදී යාන්ත්‍රික දෝෂයකට ලක්වූ කන්ටේනර් රථයක් දුම්රිය හරස් මාර්ගයට ඇතුළු කර මෙසේ හැසිරෙන්නේ නැත.

වගකීම් විරහිත බව නිසා සිදුවූ මෙම අනතුර නිසා පස්යාල, මීරිගම මාර්ගයේ වාහන ගමනාගමනය පැය තුනක් තිස්සේ ඇණහිට තිබී ඇත. කාර්යාල දුම්රියෙන් වැඩට එමින් සිටි විශාල පිරිසක් බොහෝ සෙයින් අපහසුතාවට පත්ව ඇත. අධිවේගී මාර්ගය භාවිත කළ පිරිස් ද මේ නිසාම දැඩි අපහසුතාවට පත්වූ බව අප පුවත්පත වාර්තා කර තිබිණි.

 දුම්රිය දෙපාර්තමේන්තුව පවසන්නේ දුම්රිය මාර්ගයටත් දුම්රියටත් සිදුව ඇති අලාභය කෝටි ගණනක් විය හැකි බවය. අපතේ ගිය මිනිස් පැය ගණන ද එකතු කළ විට අලාභය ගණනය කළ නොහැකි වනු ඇත.

වගකීමෙන් කටයුතු කළ යුතු වන්නේ ඒ නිසා යැයි අපි දැඩිව අවධාරණය කරමු.

(***)



අදහස් (1)

දුම්රිය මාර්ගවල අනතුරු වළක්වන විධිමත් ක්‍රමවේදයක් ඕනෑ

AJITH Saturday, 12 August 2023 08:00 PM

දුම්රිය මාර්ගවල අනතුරු වළක්වන විධිමත් ක්‍රමවේදයක් හෝ ආයතනය පුද්ගලීකරණය විය යුතුබව මහජනත්ව කියාසිටි දුම්රිය දෙපාර්තමේන්තුවේ වෘත්තීය සමිති ඔවුන්ගේ ආයතනය නගාසිටුවීම වෙනුවෙන් පෙනී සිටින්නේ කවදාද?

:       1       6

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 240 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 761 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1185 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site