මේ ආකාරයෙන් රිය අනතුරු සිදුවුවහොත් වැඩි දිනක් යාමට මත්තෙන් රටේ ජනගහනයෙන් හරි අඩක් මරු තුරුළේය. තව අඩක් සදාකාලික ආබාධිතව රෝගී සයනයේය. රටේ අනාගතය සම්බන්ධයෙන් මින් මැවෙන්නේ ඉතා බියකරු චිත්රයකි. එහෙත් යථාර්ථය එය ය.
අප පුවත්පත වාර්තා කළ එක් ප්රවෘත්තියකින් කියැවුණේ යාපනය - නුවර ඒ නවය මාර්ගයේ මාන්කුලම පණිව්චන්කුලම ප්රදේශයේ දී වෑන් රථයක් ලොරි රථ දෙකක ගැටී සිදු වූ අනතුරකින් තිදෙනකු මියගොස් අට දෙනකු තුවාල ලබා රෝහල් ගත කර ඇති බවය.
රිය අනතුරු සංඛ්යා ලේඛන ඉදිරිපත් කිරීම අතිශයින්ම දුෂ්කර ය. මන්දයත් මෙය ලියන මොහොතේ සිට ඔබ මෙය කියවන මොහොත දක්වා අතර කාලය තුළ එම සංඛ්යා ලේඛන බොහෝ සෙයින් වෙනස්වීමට ඉඩ තිබෙන හෙයිනි. මේ රට තුළ රිය අනතුරක් සිදු නොවන දවසක්, පැයක් හෝ තත්පරයක් නොමැති තරම්ය. දිනකට රටේ පුරවැසියන් හත් අට දෙනකු රිය අනතුරු හේතුවෙන් මියයන බව සංඛ්යා ලේඛනවලින් පැහැදිලි වේ.
සමාජ විද්යාවට අනුව සමාජ ප්රශ්නයක් ලෙස හඳුනාගනු ලබන්නේ යමක් එම සමාජයේ පැවැත්මට බරපතළ ලෙස අභියෝගයක් වන්නේ නම් ය. ඒ අනුව රිය අනතුරු හඳුනාගත යුතු වන්නේ බරපතළ සමාජ ප්රශ්නයක් ලෙසය. එබඳු බරපතළ සමාජ ප්රශ්නයක් වුවද රිය අනතුරු සම්බන්ධයෙන් අවශ්ය ප්රමාණයට අවධානය යොමුවී තිබේ දැයි ප්රශ්නයකි. රිය අනතුරු අවම කිරීම යනු කළ නොහැකි ක්රියාවක් නොවේ. නියත වශයෙන්ම කළ හැකි දෙයකි. එහෙත් එයට මුළු රටම එක මිටට ගත් දියුණු විද්යාත්මක වැඩපිළිවෙළක් අවශ්ය වේ.
රටේ ඇතිවී තිබෙන ආර්ථික අර්බුදය හමුවේ වාහන අමතර කොටස් ආනයනය කිරීම සීමා කෙරුණි. එමෙන්ම ඩොලරයට සාපේක්ෂව රුපියල බාල්දුවීම හමුවේ වාහන අමතර කොටස්වල මිල ඉහළ ගොස් තිබේ. මෙම පරිසරය තුළ වාහන ලණු පොටවල්වලින් හෝ ගැට ගසාගෙන ධාවනය කිරීමට ඇතැම්හු පෙළඹෙති.
මහා මාර්ගවල අබලන් තත්ත්වයද රිය අනතුරුවලට ප්රධාන හේතුවකි. තව වසර දෙක තුනක් ගතවනවිට අධිවේගී මාර්ගවල වාහන ධාවනය නතර කිරීමට සිදුවන බවට පුරෝකථන ද ඇසේ. අධිවේගී මාර්ගවල තත්ත්වය එපරිදිනම් රටේ සෙසු මංමාවත් සම්බන්ධයෙන් වටහා ගැනීම අසීරු නැත. මේ රටේ අනාගතයේ මතුවන බරපතළම ප්රශ්නය වනුයේ මහා මාර්ග පද්ධතියේ නඩත්තුව වේ. මේ සම්බන්ධයෙන් බැරෑරුම් ලෙස අවධානය යොමු කළ යුතුය. සෙසු සියලු නඩත්තු කිරීම් නවතා මහාමාර්ග නඩත්තුව කෙරෙහි ප්රමුඛතාව දිය යුතුය.
පුරවැසියාට පුරවැසි වගකීම සම්බන්ධයෙන් නිසි දැනුමක් ලබානොදී රිය අනතුරු ප්රශ්නයට විසඳුමක් ලබාදිය නොහැක. තිස් වසරක් පුරා බියකරු යුද්ධයකින් දැවුණු තැවුණු රටක මිනිස් ජීවිතයක අගය පිච්චියට වැටීම සාමාන්ය දෙයකි. එම පරිසරය තුළ ‘මැරෙන්නත් භය නැති මරන්නත් භය නැති’ මානසිකත්වයක් නිර්මාණයවීම ස්වභාවිකය. රටේ අපරාධ බහුලවීමටත් රිය අනතුරු වැඩිවීමටත් එය එක් හේතුවකි. ග්රාම සේවක වසම් මට්ටමකින් හෝ පුරවැසියන් ගේ ආකල්ප වර්ධනය කෙරෙන දියුණු වැඩපිළිවෙළක් දියත් කළ යුතුය.
(***)
ඉකුත් මාර්තු 21 වැනි දින අමාත්ය මණ්ඩල රැස්වීමට ජනාධිපතිවරයා ඉදිරිපත් කළ සංදේශයකට අනුව දැන් “ආර්ථික පරිවර්තන පනත් කෙටුම්පතක්” පාර්ලිමේන්තුවට ඉදිරිප
රටකට එහි ජාතික ආරක්ෂාව තහවුරු කරගැනීමට නම්, එරටට ප්රමාණවත් ධන අතිරික්තයක් තිබිය යුතු බව සහස්රයක් තිස්සේ ජාතීහු දැන සිටියහ. ඒ, එරට වාර්තමාන නිෂ්පාදනය
ශ්රී ලංකා රේගුව රටට ආදායම් ගෙන එන ප්රධානම රාජ්ය දෙපාර්තමේන්තුවකි. රේගුවේ මාධ්ය ප්රකාශක සීවලී අරුක්ගොඩ මහතා මේ වර්ෂය ආරම්භයේදී ප්රකාශ කර තිබුණේ
ලබන සැප්තැම්බර් 17 වැනිදාත් ඔක්තෝබර් 16 වැනිදාත් අතර දිනෙක ඊළඟ ජනාධිපතිවරණය පැවැත්වෙනු ඇති බව මැතිවරණ කොමිෂන් සභාව පසුගිය 9 වැනිදා නිවේදනයක් මගින් ප්ර
සකල සිරින් පිරි ශ්රී ලංකාවේ පාසල් සිසුන්ගෙන් ලක්ෂ 6ක පිරිසක් උදෑසන ආහාර වේල නොගෙන පාසල් පැමිණෙන බව අප පුවත්පත ඉකුත්දා වාර්තා කළේය. පාඨලී චම්පික රණවක ම
‘‘ගුරුවරයා අල්තීනායි නගරයට යන දවසේ සමුගන්නා සැටි චිත්ර ගත කරපන්. මතකද ඔහු අන්තිම වරට කෑගැසූ හැටි. අල්තීනායි අද වනතුරුත් අමතක නොකර, සෑම මිනිසකුගේම හදව
ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්ය නිෂ්පාදන පෙළක් සමග ලොව පුරා ජනතා විශ්වාසයට පාත්ර වූ දැවැන්ත සමාගමක් වන Himalaya Wellness
ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම
ශ්රී ලංකා ප්රමිති ආයතනය (SLSI) විසින් සංවිධානය කරන ලද, ශ්රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්
දිනෙන් දින වැඩිවන මාරක රිය අනතුරු
ajith Friday, 18 August 2023 04:30 PM
රටේ පවතින මාර්ග ගැන විවේචනය කිරීමේ ඵලක් නැහැ. ඒවා බොහෝමයක් සාදා ඇත්තේ විදේශයෙන් ගත් ණයෙන් වන අතර, අද පවතින ණය අර්බුදයත් සමග ඒවා නඩත්තු නොකළ හැකි තත්වයකට පත්ව ඇත. කළ යුත්තේ රටේ තියෙන මාර්ග වල පරිස්සමින් රිය පැදවීමයි. අද බොහෝමයක් අනතුරු සිදුවන්නේ අසංවර රියදුරන්ගේ නොසැලකිල්ල නිසයි. මේ තත්වය පාලනය කිරීම සඳහා මාර්ගවල වේග සීමාවන් පැනවීම.., මාර්ග නීති කඩකරන රියැදුරන්ට දැඩි දඬුවම් පැමිණවීම සිදුකළ යුතුම දේවල්ය...
Anton Gomarage Sunday, 27 August 2023 09:37 PM
කවුරු කොහොම කිව්වත් ප්රධාන හේතුව නීතිය හරි හැටි ක්රියාත්මක නොවීමයි. මෙයට පොලීසිය සහමුලින් වගකිව යුතුයි. බස්, ටිපර්, ට්රක් හිතේ හැටියට අධික වේගයෙන් ධාවනය කරති. ඉස්සර කරන්න බැරි තැන්වල පවා ඉඩ ඉල්ලා එක දිගටම හෝන් එක ගසති. ඉස්සරහින් වාහනයක් එද්දී බස් කාරයෝ ටිපර් කාරයෝ වැරදි පැත්තෙන් ඉස්සර කරති. එවිට අපි කාර් එක පාරේ කාණුව අයිනටම අයින් කරලා හිටවලා ඉඩ නොදුන්නොත් අපිව මූණට මූණ හප්පති. නැත්නම් පැත්තෙන් හරි හප්පති. අධි බල තහනම් සිලින්ඩර ධාරිතාව ඇති බයික් පොලීසිය නවත්වන්න අණ කරද්දී නොනැවතී යද්දී නීතිය ක්රියාත්මක නොකරති. කොල්ලෝ ඒවා වීඩියෝ කරලා ටික් ටොක් දාද්දී අනිත් කොල්ලෝ ඒවා අගය කොට කොමෙන්ට් ලියති. අධිසුඛෝපභෝගි ජීප් රථ ද්විත්ව ඉර කපාගෙන වංගුවල ඉස්සර කරමින් යද්දී පොලිස් නිලධාරින් විරිත්තා ගෙන බලාගෙන සිටිති. හරියටම නීතිය ක්රියාත්මක වෙනවා නම් රට වැසියන් මාර්ග නීති කඩ කරන්න බයවෙති. ඉතිං මේවාට වගකිවයුතු වන්නේ ශ්රී ලංකා පොලිසිය නොවෙයිද?