IMG-LOGO

2025 මැයි මස 10 වන සෙනසුරාදා


එකට කසිප්පු බීපු කාන්තාව මරා දමලා

සර් මෝලෙවත්තේ කාවදෝ ගැහැනු කෙනෙක් මරලා දාලා ඉන්නවා. බයවෙච්ච පාරට මම දුවගෙන ආවා. ඒක දැකලා මගේ ඇඟ තවමත් ගැහෙනවා.

උළු මෝලේ අයිතිකාර මහත්තයා ළඟට දිව ආ සේවකයෙක් කියා සිටියේ හති අරිමින්ය.

20_SLTK_P20_Back
මෝලෙ අයිතිකාර මහත්තයාද එහි ගොස් සොයා බලා සේවකයා කී කතාව ඇත්තක් බව පෙනී ගිය නිසා මේ ගැන පැමිණිලි කිරීමට ගියේ වෙන්නප්පුව මූලස්ථාන පොලිසියටය.


උළු මෝල පිහිටා ඇත්තේ බෝලවත්ත රංගම්මුල්ල ප්‍රදේශයේය.


පොලිස් කණ්ඩායමක් ඒ මොහොතේම රංගම්මුල්ල ප්‍රදේශයේ පිහිටි උළු කර්මාන්තශාලාව බලා ගියේ කාන්තාවගේ මරණය සම්බන්ධයෙන් පරීක්ෂණ පැවැත්වීමටය.


කාන්තාවගේ සිරුර පරික්ෂා කර බැලීමේදී පොලිසියට ඇය දූෂණයට ලක්වී ඇති බවට සාධක තිබෙන බව පෙනී ගොස් ඇත.


කාන්තාවගේ හිසේ ලේ ගලන තුවාලයක් හා කටින් ලේ ගලාගෙන ඇවිත් තිබෙන අයුරුද පොලිසියට දක්නට ලැබී ඇත.


කිසිවෙක් විසින් කාන්තාව දූෂණය කර මරා දමා ඇති බව මූලික පරීක්ෂණවලින් පොලිසියට පෙනී ගොස් තිබිණි.


කාන්තාවගේ මරණය සම්බන්ධයෙන් පශ්චාත් මරණ පරීක්ෂණය පවත්වනු ලැබුවේ හලාවත මහ රෝහලේ ප්‍රධාන අධිකරණ වෛද්‍ය නිලධාරි විශේෂඥ වෛද්‍ය ඩී.කේ. විජේවර්ධන මහතා විසිනි.


යම් අයකු විසින් ඇය දූෂණය කර ඇති බවත් ස්වසන මාර්ගය අවහිර කිරීම නිසා ඇය මිය ගොස් ඇති බවත් විශේෂඥ වෛද්‍ය විජේවර්ධන මහතා සිරුර කපා පරීක්ෂා කර බලා නිකුත් කර වෛද්‍ය වාර්තාවේ සඳහන් කර තිබෙන බව පොලිසිය කියයි.


මෙය මිනීමැරුමක් බවට පශ්චාත් මරණ පරීක්ෂණයෙන්ද තහවුරුවූවාට පසු කාන්තාව දූෂණය කර මරා දැමූ සාහසිකයා සොයා ඔහු අත්අඩංගුවට ගැනීමට පොලිසිය පරීක්ෂණ  ආරම්භ කරනු ලැබීය.


මෙසේ ඝාතනය කර තිබුණේ එම උළු කර්මාන්තශාලාවේම කම්කරු වෘත්තියේ නිරතව සිටි යෙවුනි සෙංගම්මා නමැති 52 හැවිරිදි තිදරු මවකි.


කාන්තාවගේ ඝාතනය සම්බන්ධයෙන් පරීක්ෂණ පැවැත්වූයේ අබිරහස් ඝාතන සම්බන්ධයෙන් පරීක්ෂණ පවත්වා අත්දැකීම් බහුල දක්ෂ අපරාධ විමර්ශකයින් කණ්ඩායමක් වන වෙන්නප්පුව මූලස්ථාන පොලිසියේ ස්ථානාධිපති ප්‍රධාන පොලිස් පරීක්ෂක වසන්ත කුමාර සහ පාලන අංශයේ ස්ථානාධිපති පොලිස් පරීක්ෂක සමන් දසනායක යන මහත්වරුන් ප්‍රධාන පොලිස් කණ්ඩායමක් විසිනි.


ඌළු මෝලේ අයිතිකාර මහත්තයාට කාන්තාවගේ සිරුර දැක මුලින්ම දැනුම්දුන් සේවකයා ගැන පොලිසියට ලොකු සැකයක් ඇතිවූයේ වෙන කිසිවක් නිසා නොව ඔහු කියා තිබූ වචනයක් නිසාය.


පොලිසිය ඝාතකයා කවුදැයි කියා අනුමාන කළේ ඌළු මෝලේ අයිතිකරු සමඟ කියා තිබූ ඒ වචනය නිසාය.


ඒ වෙන කිසිවක් නොව සර් මෝලේවත්තේ කාවදෝ ගැහැනු කෙනෙක් මරලා දාලා ඉන්නවා යැයි කියන වචන පේළියය.


තමුන් කොහොමද මේ ගැහැනු කෙනාගේ සිරුර දැක්ක ගමන්ම මරලා දාලා කියා කියන්න පුළුවන් වුණේ යැයි කියා පොලිස් නිලධාරීන් ඒ සේවකයාගෙන් ඇසූ මුල්ම ප්‍රශ්නය විය.


ඒ ප්‍රශ්නය ඇසීමත් සමඟම සේවකයාගේ ඉරියව් එහෙම පිටින්ම වෙනස්වී ගොස් වචන පැටලෙන බවක් පොලිසියට පෙනී ගොස් ඇත.


පොලිසිය තවදුරටත් දිගින් දිගටම ප්‍රශ්න කිරීමේදී එකිනෙකට පරස්පර ප්‍රකාශ කරන්නට පටන්ගෙන ඇතැයි කියති.


පොලිස් ප්‍රශ්න කිරීම් හමුවේ හෙම්බත්ව සිටි උළු කම්හලේ සේවකයා අවසානයේ ඔහු මේ සාහසික අපරාධය කළ බවට පාපොච්චාරණය කළේය.
ඔහු පොලිස් අත්අඩංගුවට පත්වන්නේ ඒ පාපොච්චාරණයෙන් පසුවය.


සැකකරු 25 හැවිරිදි අවිවාහක තරුණයෙකි.


සැකකරු පමණක් නොව ඔහුගේ මව පියා සහ සහෝදරයන් දෙදෙනා ද මේ උළු කම්හලේ කම්කරුවන් ලෙස සේවය කරන්නෝ වෙති.


සැකකාර තරුණයා සහ ඔහුගේ මව සහ පියාද තදින්ම කසිප්පු පානයට ඇබ්බැහිවී සිටින බව පොලිස් පරීක්ෂණවලින් අනාවරණය විය.


එපමණක් නොව ඝාතනයට ලක්වූ කාන්තාවද තදින්ම මත්පැන් පානය කිරීමට ඇබ්බැහිවී සිටි තැනැත්තියක් බව පොලිසියට දැනගැනීමට ලැබිණි.
පොලිසිය පරීක්ෂණ පවත්වා හෙළිකරගත් ආකාරයට උළු කම්හලේ වැඩ අවසන් කර සවස ගෙදර ආ සැකකාර තරුණයා කසිප්පු පානය කර ඇඟපත සෝදමින් සිට ඇත.


ඇඟපත සෝදමින් සිටියදී සෙංගම්මා නැමති කාන්තාව සැකකරුගේ නිවසට යනවා ඔහු දැක තිබේ.


මම ඇඟපත සෝදාගෙන ගෙදර යද්දී අම්මයි තාත්තයි සෙංගම්මා නැන්දයි කසිප්පු බෝතලයක් ගෙනල්ලා බොමින් සිටියා. කසිප්පු බීලා ඉවර වෙද්දි හොඳටම රෑ බෝවෙලා තිබුණා. සෙංගම්මා නැද්දා වෙරිමරගාතේ හිටියේ. කොච්චර වෙරි වෙලා හිටියාද කියනවා නම් නැන්දාට තනියම ඇවිදගෙන යන්නත් බැරි තරමට හිටියේ. අම්මේ මම නැන්දා ඉන්න ලයිමට ගිහින් ඇරලවලා එන්නම් කිව්වා. එහෙම කියලා නැන්දාගේ අතින් අල්ලාගෙන කළුවරේ ආවා යැයි කියා සැකකාර තරුණයා පොලිසියට පාපොච්චාරණය කර තිබෙන බව කියති.


අපරාධය සිදුකළ ආකාරය ගැන පවසමින් සැකකරු ඇයට අතවර කිරීමට සූදානම්වූ අවස්ථාවේ වෙරි මරගාතේ සිටියත් උඹ මගේ පුතෙක් වාගේ නේද යකෝ ඇයි එහෙව් මට මේ වගේ දෙයක් කරන්න යන්නේ කියා ඇය පැවසූ බව සැකකාර තරුණයා පොලිසියට කළ පාපොච්චාරණයේ සඳහන් වන බව දැනගැනීමට ඇත.


මෙවැනි සාහසික අපරාධයක් කර ගෙදර පැමිණි සැකකරු නිදාගෙන සිට පසුදින අලුයම අවදිවී ගොස් බලන විට ඇය එතැන සිටින බව දැක තිබේ.


සෙංගම්මා නැන්දා වැටිලා හිටිය නිසා මම හිතුවේ සිහිය නැතිව ඉන්නවා කියා. මම ඇය සොලවා බැලුවත් කතා කළේ නැහැ. ඊට පස්සේ ගල් කැබැල්ලක් අරන් ඇයගේ හිසටත් කම්මුල් දෙකටත් ගැසුවා එහෙම කළේ නැන්දා මැරිලාද සිහිය නැතිව ඉන්නවාද කියා දැනගන්න ඕනෑ නිසයි. ඇය මියගොස් ඇති බව මට තේරුම් ගියා ඊට පස්සේ තමා මම උළු මෝලේ අයිතිකාර මහත්තයාට ගිහින් කිව්වේ. මෝලේ වත්තේ ගැහැනු කෙනෙක් මරාදාලා ඉන්නවා කියා යැයිද සැකකරු පොලිස් නිලධාරීන්ගේ ප්‍රශ්න කිරීම් හමුවේ පවසා තිබෙන බව කියති.


සැකකාර තරුණයාද පානය කර ඇත්තේ ඔහුගේ අම්මා සහ තාත්තා බීමට ගෙදර ගෙනැවිත් තිබූ කසිප්පුවලින් කොටසකි.


මේ බව සැකකරු පොලිසියට පවසා තිබේ.


වයඹ පළාත් බාර ජ්‍යෙෂ්ඨ නියෝජ්‍ය පොලිස්පති රවි විජේගුණවර්ධන සහ පුත්තලම දිසා බාර නියෝජ්‍ය පොලිස්පති චම්පික සිරිවර්ධන යන මහත්වරුන්ගේ පූර්ණ අධීක්ෂණය යටතේ හලාවත කොට්ඨාසය බාර ජ්‍යෙෂ්ඨ පොලිස් අධිකාරි නුවන් වෙදසිංහ මහතාගේ උපදෙස් මත වෙන්නප්පුව සහකාර පොලිස් අධිකාරි දේශප්‍රිය ජයතිලක මහතාගේ මෙහෙයවීම යටතේ වෙන්නප්පුව මූලස්ථාන පොලිස් ස්ථානාධිපති ප්‍රධාන පොලිස් පරීක්ෂක වසන්ත කුමාර සහ පාලන අංශයේ ස්ථානාධිපති පොලිස් පරීක්ෂක සමන් දසනායක යන මහත්වරුන්ගේ ප්‍රධානත්වයෙන් අපරාධ විමර්ශන අංශයේ ස්ථානාධිපති උපපොලිස් පරීක්ෂක සුදුසිංහ සහ උපපොලිස් පරීක්ෂක අයි.එම්.එන්. ඊරියගොල්ල යන මහත්වරුන් ඇතුළු පොලිස් කණ්ඩායමක් මේ සම්බන්ධව පරීක්ෂණ පවත්වා සැකකරු අත්අඩංගුවට ගෙන ඇත.


පොලිස් සැරයන්වරුන් වන ජයන්ත (24043), තිලකසිරි (27758), පෙරේරා (57475), පොලිස් කොස්තාපල්වරුන් වන බන්දුල (21935), සමීර (60568), බණ්ඩාර (35868) සහ බණ්ඩාර (69570) යන මහත්වරුන්ද මෙම පරීක්ෂණවලට හවුල්වී ඇත.

m



අදහස් (0)

එකට කසිප්පු බීපු කාන්තාව මරා දමලා

ඔබේ අදහස් එවන්න

 

 
 

විශේෂාංග

ඇමරිකාවෙන් පත්වුණු නව පාප්තුමෝ
2025 මැයි මස 10 127 0

දෙදිනක් තිස්සේ ලෝවැසියන් දෑස් දල්වා සිටියේ නව පාප්තුමා තෝරා ගැනීමේ ඡන්ද විමසුම එසේත් නැතිනම් ‘කොන්ක්ලේව්’ ​කෙසේ සිදුවේවිදැයි යනුවෙනි. කාදිනල්වරුන්


මැතිවරණ ප්‍රතිඵල පුරසාරම්
2025 මැයි මස 10 90 0

ඉකුත් 6 වැනිදා පැවැති පළාත් පාලන මැතිවරණවල ප්‍රතිඵල පිළිබඳව මෙරට දේශපාලන පක්ෂ කරන විග්‍රහ අනුව බලන කල මෙම මැතිවරණයෙන් සෑම පක්ෂයක්ම ජයග්‍රහණය කර ඇත.


පළාත් පාලන ආයතන අනාගතය
2025 මැයි මස 09 114 1

පළාත් පාලන ආයතන 339 කට වැඩි ගණනකට සභිකයන් තෝරා පත් කර ගැනීමේ පළාත් පාලන මැතිවරණය පසුගිය මැයි 6 වැනිදා පැවැත්වීමට මැතිවරණ කොමිසම පියවර ගත්තේය. එදින ඡන්දදා


අරගලය ඉතිරි කළ වෙනස
2025 මැයි මස 09 216 0

අදට අවුරුදු 03 ට ඉහතින් 2022 මැයි 09 වනදා පාන්දර, අගමැති මහින්ද රාජපක්ෂ සිය පවුලේ සාමාජිකයන් කිහිප දෙනා සමග දැඩි හමුදා රැකවරණ යටතේ අරලියගහ මන්දිරයෙන් පිටත්ව


ඡන්දයෙන් විවර වූ ජනමනස
2025 මැයි මස 09 275 0

මාලිමා ආණ්ඩුව මෙවර පළාත් පාලන මැතිවරණ ප්‍රචාරක කටයුතු කළේ එය පළාත් පාලන ඡන්දයක් ලෙස ගනිමින් නොව, ජාතික මැතිවරණයක් ලෙස සිතමිනි. ජනාධිපතිවරයා රටපුරා ගො


පුංචි ඡන්දයේ සංඥාව
2025 මැයි මස 08 994 2

දෙදහස් විසිපහේ මැයි මස 06 වැනිදා (පෙරේදා) මෙරට පැවැති පළාත් පාලන මැතිවරණය පළාත් පාලන මැතිවරණ ඉතිහාසයේ වැදගත් සංධිස්ථානයකැයි සැලකිය හැකිය. 2018න් පසුව වසර 07


මේවාටත් කැමතිවනු ඇති

හරිත සරසවියේ දෙවැනි අදියර පිම්මක් ඉදිරියට පනී 2025 මැයි මස 09 638 0
හරිත සරසවියේ දෙවැනි අදියර පිම්මක් ඉදිරියට පනී

ශ්‍රී ලංකාවේ විශිෂ්ටතම මට්ටමේ ජාත්‍යන්තර සරසවිය වූ NSBM හරිත සරසවිය ජාතියේ පහන් ටැඹ ලෙස විරුදාවලිය ලත් ලංකා බැංකුව සමග රුපියල් බිලියන 7.3ක් හෙවත් රුපියල්

First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න 2025 අප්‍රේල් මස 29 1383 1
First Capital සමාගම සමඟ එක් වී ඒකක භාර අරමුදල් ආශ‍්‍රිත ආයෝජනය කර ආකර්ෂණීය ප‍්‍රතිලාභ අත් විඳින්න

රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර

HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා. 2025 අප්‍රේල් මස 29 354 2
HelpAge Sri Lanka ඉදිරිපත් කරන ’Symphony of Hope’  - පෙනීම යළි ලබා දීම වෙනුවෙන් වූ පුණ්‍ය ප්‍රසංගය 23 වැනි දා.

අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප

Our Group Site